首頁 日報娛樂

新歌用被欺凌經歷鼓勵人 何晉樂望似張敬軒唱功多元化

17/08/2022
■Rock坦承由香港再移民英國,一直都有欺凌遭遇,令他性格變得孤僻。
■Rock坦承由香港再移民英國,一直都有欺凌遭遇,令他性格變得孤僻。


「聲夢」何晉樂(Rock)首次推出個人派台單曲《無證騎士》,以小學時被同學踢落樓梯欺凌經歷做主題,希望歌曲為遇到相同遭遇的人打氣,知道他們並不孤單。未來目標是想成為好似偶像張敬軒一樣的歌手,能夠演繹不同類型歌曲,而早前在頒獎禮跟前輩劉德華同台,對方的專業態度,令他更加不敢怠慢。採訪:杜杜 攝影:沈健程髮型:Hugo Poon@iiAlchemy 場地:Pier 1929


第一次演繹真真正正屬於自己的歌,Rock除了覺得心情興奮外,還多了另一番感覺,「一首出道歌證明你正式成為歌手,好開心第一首我自己作品係講我自己嘅故事,好有歸屬感,係屬於自己嘅感覺。」
難忘跟劉德華同台

《無證騎士》講Rock在7、8歲時讀小學被欺凌的經歷,「嗰時背脊有好大個鞋印,因為畀一個同學仔踢落樓梯,呢件事情引發咗好多嘢,因為我細個好鍾意睇啲英雄片,亦都激發我去讀有關醫學嘅嘢,我想幫人,呢首歌係想講我呢個心情同經歷,同人講一啲唔好嘅事情,你要識得起返身,我會伸隻手去扶你,係首好溫暖嘅勵志歌。」在英國時曾在藥房工作的他,發現人其實並非想像中脆弱,只要有適當陪伴就能捱過,而他認為音樂正是最好的陪伴。

一直有創作的Rock,原來都有想過第一首歌由自己作,「自己都有啲半製成品喺度,但係有我好鍾意嘅監製(周錫漢)去幫我做,想相信咗佢先,因為第一首好容易炒車,梗係穩陣啲好,我個人係比較理性,加上佢都好鍾意我呢個故事,我都想第一首歌畀人認識我多啲。」不過Rock強調會keep住創作,未來更加希望可以做到偶像張敬軒一樣的歌手,「佢啲歌點解可以咁有新鮮感!?我想成為佢咁多元化嘅歌手。」講到最近有機會在《香港金曲頒獎禮》跟前輩劉德華同台演出,對方努力又親切的態度,亦鞭策他要更加進步,「綵排時見到佢,望住我哋已經電到我哋,佢身形keep得好好,同我哋打招呼,又nice,基本上冇聽過佢嘅負評,如果想成為藝人,佢係一個好好嘅榜樣。」■小時候的Rock,精靈又可愛。

■小時候的Rock,精靈又可愛。
■Rock希望透過自己音樂給人心靈慰藉,也算幫到人。
■Rock希望透過自己音樂給人心靈慰藉,也算幫到人。
■劉德華為《香港金曲頒獎禮》表演,Rock與其他新人有幸同台。
■劉德華為《香港金曲頒獎禮》表演,Rock與其他新人有幸同台。
■視張敬軒為偶像的Rock,入行後以對方為奮鬥目標。
■視張敬軒為偶像的Rock,入行後以對方為奮鬥目標。
■首支派台作品《無證騎士》,以Rock自身故事出發。
■首支派台作品《無證騎士》,以Rock自身故事出發。
■Rock入行以來,一直獲粉絲團「石灰粉」支持。
■Rock入行以來,一直獲粉絲團「石灰粉」支持。

其他文章
hd