首頁 日報娛樂

Po孖公仔睇日落照又傳婚訊 馬國明推莊叫靚湯回應

18/08/2022
■靚湯突然貼這張甜爆睇日落相,網民立即問是否宣佈婚訊。
■靚湯突然貼這張甜爆睇日落相,網民立即問是否宣佈婚訊。

48歲馬國明與35歲湯洛雯(靚湯)拍拖兩年多,不時在網上放閃,二人一直被人催婚,但都遲遲沒有喜訊。昨日,靚湯突然在社交網上載與馬國明睇日落的剪影照,更齊齊晒出「心心相印」手勢,又惹來結婚揣測,馬國明被問到是否宣佈喜訊,他就推給女友答。

馬國明與湯洛雯的「湯馬戀」在2020年6月公開認愛,由於大家都覺得二人好登對,所以不時催婚。靚湯昨日突然在社交網上載與男友馬國明一齊睇日落的靚相,二人在剪影下做出「心心相印」手勢,靚湯更以一個心形emoji表達愛意,甜蜜度爆燈。馬國明的好兄弟黃嘉樂秒速留言讚「sweet」,蔡思貝更寫着:「唯一的愛,平靜的愛,熱烈的愛」。

有網民猜測二人是否有喜事要宣佈,記者聯絡馬國明,他以短訊回覆:「不如,你問佢(靚湯)啦……佢post嘅!」而女主角靚湯回應時,亦覺得大家太敏感,她表示:「唔係呀!唔好次次都聯想結婚啦。純粹好耐冇影相,post下相啫。」她透露與朋友出海玩,這張靚相是由高海寧操刀拍攝,她說:「張相高Ling影㗎,難得捕捉到magic hour,好靚先分享吓啫。」
靚湯社交帳號遭冒認借錢

此外,靚湯也在IG限時動態透露最近遭冒認開假社交網借錢,呼籲網民小心中招,她發文:「有朋友告訴我Facebook上有冒充我的帳號周圍問人借錢,有必要澄清一下,我Facebook冇個人帳戶,只有一個fans page。」■馬國明與靚湯(右一、二)與朋友結伴出海。

■馬國明與靚湯(右一、二)與朋友結伴出海。
■靚湯透露被人冒名開社交網借錢,希望大家小心。
■靚湯透露被人冒名開社交網借錢,希望大家小心。
■馬國明與靚湯太登對,不停被催婚。
■馬國明與靚湯太登對,不停被催婚。

其他文章
hd