首頁 日報娛樂

做靚份CV重新出發 趙頌茹拒提周永恆有冇畀贍養費

19/08/2022
■趙頌茹希望有40歲嘅智慧,且每年要有進步。
■趙頌茹希望有40歲嘅智慧,且每年要有進步。

入行20年嘅趙頌茹(阿Yu)相隔18年再推出新歌《大致天晴間中有雨》,唱出人生無常,總有陰晴不定,但下雨天總會過去,喻意要擁抱舊時,展望將來。其中有句歌詞係:「輕輕呼氣頃刻釋懷 我已沒有恨」,曾被出軌前夫周永恆家暴嘅阿Yu,坦言已原諒咗對方,唔想將寶貴嘅時間放喺唔開心嘅事情上。
採訪:方騫平 場地:觀塘興業街The Stadium


剛踏入40歲嘅單親媽媽趙頌茹趁住出道20年推出新歌,除咗帶出鼓勵訊息,坦承要做返好個CV(履歷表),唔想大家只記得佢曾被家暴及已離婚。
與兩女生活開心

不過,阿Yu否認為咗「洗底」:「發生咗嘅嘢抹唔走,每個人嘅人生總有唔同嘅嘢發生,有開心,有唔開心,我亦冇得怪人劃花咗我個CV,因為好多時自己都有份參與,唯有展望將來,變得愈嚟愈好。」阿Yu拒提已經再婚嘅前夫,有否畀贍養費3母女,她避忌說:「講咗咁多年唔再講喇!我有我嘅生活,我同大女信希及細女愛希生活得好開心,兩個女都清楚知道發生乜事,所以最好唔好再提起佢啦。」

阿Yu亦強調佢係開心嘅,唔係強顏歡笑:「《金宵大廈2》集慘事於一身,所以有機會我都想拍啲開心嘅角色。」阿Yu透露目前喺凍肉公司做文職養女,公餘時間用嚟湊女及兼顧幕前,為兩女搵返啲補習費,生活充實冇諗過拍拖,「都有朋友做過紅娘,但溝通唔到,可能年紀大咗唔只要求外表。」■阿Yu相隔18年再推出新歌《大致天晴間中有雨》。

■阿Yu相隔18年再推出新歌《大致天晴間中有雨》。
■阿Yu跟前夫周永恆有段甜蜜過去,最後被背叛,反面收場。
■阿Yu跟前夫周永恆有段甜蜜過去,最後被背叛,反面收場。
■2018年周永恆離婚後不久,即同陳薇奉子成婚。
■2018年周永恆離婚後不久,即同陳薇奉子成婚。
■去年11月趙頌茹為《Reinvention 馬天佑 衫。重奏》演出。
■去年11月趙頌茹為《Reinvention 馬天佑 衫。重奏》演出。
■阿Yu同兩女相依為命。
■阿Yu同兩女相依為命。
■阿Yu唔想再拍啲悲慘角色,唔想惹嚟誤解。
■阿Yu唔想再拍啲悲慘角色,唔想惹嚟誤解。

其他文章
hd