首頁 日報娛樂

聲大大女歌手指坐輪椅唱歌「慘不忍睹」 張偉文嬲爆反駁:碗飯好寶貴點解唔放過我

05/09/2022
咬牙切齒
■張偉文回應坐輪椅唱歌好慘論,講到咬牙切齒真係好嬲喎。
咬牙切齒 ■張偉文回應坐輪椅唱歌好慘論,講到咬牙切齒真係好嬲喎。

69歲「靚聲王」張偉文(Donald)今年2月確診新冠肺炎,康復後重上舞台,愈戰愈勇。日前,Donald喺元朗大會堂補場演出,亦係《友情有義演唱會》最後一場,繼續用淚水答謝歌迷嘅厚愛。對於Donald坐住輪椅開show,反應兩極,有位好有「份量」又聲大大嘅女歌星形容係「慘不忍睹」,Donald激動反駁:「碗飯對我嚟講好寶貴。」
採訪:娛樂組

新冠肺炎康復期間張偉文長期「與世隔絕」導致失智症變得嚴重,試過喺老人院撼頭埋牆,5月初做網上演唱會時多次扭計發脾氣。直至有得喺7月及8月尾,補埋最後兩場《友情有義演唱會》,Donald才回復精靈狀態,愈唱愈強。Donald唱完最後一場元朗show後強調冇失落感:「大功告成反而開心,除非好耐冇得唱先會迷失方向。」經理人方俊承諾為他爭取演出:「只要有唱到嘅能力,有朋友支持佢,都會安排佢演出,不過如果再上紅館,都唔容易攞到期。」
坐住唱下身唔郁得

5年前張偉文受腰椎毛病困擾不良於行,要長住老人院,但仍自強不息唱歌搵食,唔要做廢人,但對於他坐住輪椅都唱,亦有反對聲音,甚至有位好有「份量」講嘢大大聲嘅女歌星,形容係件好可憐嘅事。Donald對「慘不忍睹」嘅評語有啲耿耿於懷,帶點不悅回應:「唔得咩?好多人坐住都冇得唱,最少我有呢個能力,其實坐喺度唱唔容易,下身啫啫(指重要部位)唔可以郁,否則冇氣。」在旁嘅方麗盈即為Donald解畫,估計他所指,係要hold住丹田氣。
冇能力去談黃昏戀

變得好sharp醒嘅Donald續說:「無論我用咩方法唱落去,我都係唱歌啫,如果欣賞我,請唔好加啲可憐目光去睇我,然後說三道四,我都係為搵食啫。」Donald愈講愈激動,甚至咬牙切齒對住鏡頭說:「我梗係嬲啦,我剩番碗飯,碗飯對我嚟講好寶貴,彈人做乜啫?得一、兩份收入都唔放過我?我點樣做係我嘅事,我鍾意唱歌,鍾意唱到老呀!」方俊見他咁火即呵返:「可能啲人未必了解啫,唔太清楚唱歌係佢精神支柱,所以如果佢狀態唱得到,我都會繼續安排佢唱,其實好多fans好錫佢,睇show之餘仲會送上平安利是,但佢身體要爭氣。」姚煒就鼓勵張偉文多做運動,扶住企吓起身,唔好咁懶。

最後問到張偉文仲有冇心願?有冇諗過物色一段黃昏戀做精神寄託?他即耍手擰頭:「冇呀!一直冇諗過可以做到咁多場經已係如願,黃昏戀呢個經已係異想天開,唔好諗咁遠喇!冇能力諗嚟做乜?」流動椅子■姚煒為張偉文個唱復出舞台任嘉賓,張偉文坐在經改裝的流動椅子在台上唱歌。

流動椅子■姚煒為張偉文個唱復出舞台任嘉賓,張偉文坐在經改裝的流動椅子在台上唱歌。
方俊呵返■見到Donald咁火,情如父子嘅方俊即刻呵返。
方俊呵返■見到Donald咁火,情如父子嘅方俊即刻呵返。
感動流淚■每場演繹《每當變幻時》,Donald都用淚水去答謝忠粉厚愛。
感動流淚■每場演繹《每當變幻時》,Donald都用淚水去答謝忠粉厚愛。
達成心願■Donald一直冇諗過可以唱到咁多場,好開心達成心願。
達成心願■Donald一直冇諗過可以唱到咁多場,好開心達成心願。
算係有心■黑妹姐及肥媽嚟過後台探班。
算係有心■黑妹姐及肥媽嚟過後台探班。
去見歌迷■完Show後,張偉文去跟歌迷見面。
去見歌迷■完Show後,張偉文去跟歌迷見面。
情如父子■方俊好疼錫Donald,仲會為他祈福。
情如父子■方俊好疼錫Donald,仲會為他祈福。
承諾開騷■環星娛樂老闆張國林(右二)答應繼續為張偉文開騷,方俊(左三)、方麗盈(左二)、姚煒(左一)都替張偉文開心。
承諾開騷■環星娛樂老闆張國林(右二)答應繼續為張偉文開騷,方俊(左三)、方麗盈(左二)、姚煒(左一)都替張偉文開心。
好受歡迎■Donald有好多忠粉支持,完騷後爭住同佢影相。
好受歡迎■Donald有好多忠粉支持,完騷後爭住同佢影相。
座無虛席■元朗大會堂係《友情有義演唱會》嘅最後一場,座無虛席。
座無虛席■元朗大會堂係《友情有義演唱會》嘅最後一場,座無虛席。

其他文章
hd