首頁 日報娛樂

孭住兩單官司跳出香港加薪50%

13/09/2022
■周身肉嘅阿儀自評泳衣look,「我身形都OK。」
■周身肉嘅阿儀自評泳衣look,「我身形都OK。」

薛影儀大馬着80蚊泳衣 晒象腳:我身形都OK
薛影儀簽約嘅亞視子公司「亞洲電視數碼媒體有限公司」已經清盤,但未有影響到母公司運作,「永恆亞視」第一時間將阿儀及「最索經理人」林寶玉攬實唔放,安排兩人過檔由林文龍揸fit的靚品牌AMM。早前,阿儀到大馬宣傳時,紮住孖辮加藍白波點泳裝look現身,圓碌碌身形加上肉肉象腳再配以標誌式零表情成功呃like,吸引大量大馬人成為「影子」(Fans暱稱),據知因為阿儀好啱當地人嘅重口味,今次因禍得福跳槽後仲獲加薪50%,加咗咁多人工,阿儀開心啲笑吓啦! 採訪:方騫平 鳴謝:AMM(大馬)

薛影儀被指係亞視「最後希望」,子公司「亞洲電視數碼媒體」執笠,所有亞姐冇得留低,即使孭住兩單官司嘅阿儀依然有不死身,因為早前阿儀喺大馬做宣傳時勁受歡迎,喺當地狂接10幾個job,而亞視子公司AMM嘅基地遍佈星馬港台,因此阿儀未來會跳出香港去大馬接戲,省靚「亞視一姐」招牌。
對自己Body好有信心

月前阿儀先赴大馬一個月試水溫,聯同亞姐陳美儀、袁群有、梁欣娟及譚夢娜首次出trip,《頭條日報》獨家獲得阿儀喺大馬水上樂園嘅絕密泳裝靚相,相中見38歲「儀BB」束上孖辮,額前瀏海,配80蚊嘅私伙波點裙仔泳衣,粗碌身形加上象腳仔勁得意,同去年參加亞姐首輪面試着嘅三點式比較,可愛造型順眼好多。對於今次泳裝登場,阿儀信心滿滿咁叉晒腰、V晒手、仲大派心心擺甫士影相,佢好開心表示:「件泳衣係之前買嘅,都幾好睇呀,而且髮型師幫我設計呢個造型好可愛,呢個泳衣look都鍾意㗎!」阿儀仲自我感覺良好,好有信心咁話:「我身形都OK。」
被當地傳媒追蹤嬲豬

薛影儀由香港紅到去大馬,「影子」(fans)周圍都係,大受歡迎,她出席粉絲見面會獲男fans瘋狂叫:「阿儀我愛你!」又有兩名男主持送花,卻慘被阿儀請食「檸檬」,叫她轉送其他朋友。阿儀解釋說:「因為我唔鍾意花囉。」問到對大馬男仔嘅印象,阿儀斬釘截鐵話唔鍾意:「我唔識男仔㗎……」不過卻被踢爆她一時興起,主動跟拿督交換IG,她口窒窒說:「同其他佳麗一樣,有需要會聯絡。」

大馬之行,阿儀做電台訪問、參加fans見面會及體驗做model行catwalk,紅到被當地狗仔隊追蹤,故拍外景時曾發脾氣走埋一邊罷拍,之後用口罩掩面隨隊離開!■薛影儀(右起)、陳美儀、袁群有、譚夢娜、梁欣娟暢遊水上樂園,阿儀擺晒pose好開心。

■薛影儀(右起)、陳美儀、袁群有、譚夢娜、梁欣娟暢遊水上樂園,阿儀擺晒pose好開心。
■阿儀心情大靚,係咁舉V影相。
■阿儀心情大靚,係咁舉V影相。
■阿儀用咗80蚊喺南豐商場買咗呢件泳衣。
■阿儀用咗80蚊喺南豐商場買咗呢件泳衣。
■阿儀及林寶玉過檔由林文龍揸fit嘅靚品牌AMM。
■阿儀及林寶玉過檔由林文龍揸fit嘅靚品牌AMM。
■去年,阿儀參加亞姐面試時嘅凸腩look,「驚為天人」。
■去年,阿儀參加亞姐面試時嘅凸腩look,「驚為天人」。
■由導師指導,亞姐換上4吋高踭鞋行catwalk,阿儀都勉強應付得來。
■由導師指導,亞姐換上4吋高踭鞋行catwalk,阿儀都勉強應付得來。
■阿儀同佳麗一齊品嚐榴槤。
■阿儀同佳麗一齊品嚐榴槤。
■因為阿儀不滿被當地狗仔隊追蹤,外景期間一度發脾氣罷拍。
■因為阿儀不滿被當地狗仔隊追蹤,外景期間一度發脾氣罷拍。
■阿儀最近因為喺公眾場所冇牌揸大膽車,再惹官非。
■阿儀最近因為喺公眾場所冇牌揸大膽車,再惹官非。
■喺大馬粉絲見面會,阿儀坐正中間做主角,好受歡迎。
■喺大馬粉絲見面會,阿儀坐正中間做主角,好受歡迎。
■阿儀嘅普通襲擊罪仲等候上訴中。
■阿儀嘅普通襲擊罪仲等候上訴中。
■阿儀主動跟拿督(右1)交換IG。
■阿儀主動跟拿督(右1)交換IG。

其他文章
hd