首頁 日報娛樂

唔心急生仔未恨嫁 吳千語提男友施伯雄認好幸福

17/09/2022
■千語因疫情為方便工作長居上海,為免經歷搬行李之苦,已租屋住。
■千語因疫情為方便工作長居上海,為免經歷搬行李之苦,已租屋住。

近年差不多長留內地發展的吳千語,最近終於有新作《一路瞳行》,首次跟影后惠英紅合作,更獲紅姐親自教戲,而戲中千語跟紅姐演的媽咪關係很差,令她反省跟父母關係。講到工作表現不及跟富三代男友施伯雄戀情受關注,千語完全唔介意,但承認兩人感情穩定,不過暫未有計劃結婚,或者想生仔時先諗。 採訪:杜杜 攝影:娛樂組 髮型:Him Ng@The Attic
化妝:vinci@vinciwinki.com 服裝:Sandro 場地:whereami.hk

《一路瞳行》是導演朱鳳嫻的親身經歷,千語的角色正是導演本人,所以她有任何疑問可即問導演,反而更易投入角色。至於跟戲中演媽咪的紅姐合作,她完全冇緊張,更獲紅姐親自教戲,「佢會教我點樣利用身邊道具,可能嗰場導演設計咗要咁做,但你可以攞啲嘢當道具去幫自己表達感情,甚至有時可以要求另一啲道具幫手,我學到好多之前冇諗過嘅嘢。」
曾經常跟媽咪頂嘴

戲中千語同媽咪關係好差,她坦承年少時也有做過「衰女包」經常跟媽咪頂嘴,但現在同媽咪已似朋友相處,「阿媽始終係阿媽,佢最鍾意send啲咩『捱夜對身體十大壞處』嗰啲文章嚟,哈哈!反而做嘢佢唔會理我,對佢嚟講我幾成功都唔夠我健康重要。」父母更是她的頭號粉絲,「睇到我嘅嘢就save低,有作品一定睇,仲拉埋啲朋友去睇,默默支持。」

雖然千語的工作不停,但大家似乎最關注她的感情生活,她完全理解,「有時我睇人哋啲嘢,都會鍾意睇人哋拍拖多過做嘢,哈哈!細個可能會介意,但係大咗就冇,同埋真係過得好開心好充實好幸福,你唔會太介意人哋講啲咩。」問到跟男友施伯雄感情生活,她露出幸福甜笑話:「都好穩定囉!」但她坦承不急於結婚,「細個會諗最好幾多歲前結婚,但o依家變咗,其實我年年有啲變化,但係我覺得o依家呢個狀況都幾開心,唔使諗一定要結婚,其實要結又可以嘅,但係覺得冇乜必要,又唔係要生仔住。」■千語話生活充實,不用開工就約關智斌等朋友出海玩。

■千語話生活充實,不用開工就約關智斌等朋友出海玩。
■戲中健全的千語要面對分別由紅姐和吳岱融飾演、同樣失明的父母。
■戲中健全的千語要面對分別由紅姐和吳岱融飾演、同樣失明的父母。
■千語跟AK@MIRROR首度合作《忽然心動》仍未上映,她笑指好彩兩人冇乜親熱戲,不擔心對方粉絲呷醋。
■千語跟AK@MIRROR首度合作《忽然心動》仍未上映,她笑指好彩兩人冇乜親熱戲,不擔心對方粉絲呷醋。
■千語跟施伯雄(右一)感情穩定,結婚是遲早問題。
■千語跟施伯雄(右一)感情穩定,結婚是遲早問題。
■拍攝時26歲的千語着起校服冇違和感,戲中跟紅姐有不少感情戲。
■拍攝時26歲的千語着起校服冇違和感,戲中跟紅姐有不少感情戲。
■千語懶理外界是非,認為自己過得幸福開心最重要。
■千語懶理外界是非,認為自己過得幸福開心最重要。
■千語寧願養狗也未想生BB,湊人哋BB就冇問題。
■千語寧願養狗也未想生BB,湊人哋BB就冇問題。

其他文章
hd