首頁 日報娛樂

碌人情卡拍慈善短片 李佳芯自爆曾辛苦到想放棄

19/09/2022
■首次集編導演監一身的Ali,其作品終於面世。
■首次集編導演監一身的Ali,其作品終於面世。

李佳芯(Ali)為慈善機構「耆智園」宣傳關注腦退化症的短片《伴》正式在網上首播。演而優則導的Ali今次為慈善豁出去,首次身兼演員、導演、監製及編劇四個崗位,更碌盡人情卡邀請到資深導演張同祖飾兩父女。籌備一年的短片終在其個人YouTube頻道播出,為她的演藝生涯邁出新一步!

李佳芯(Ali)今次可謂由零開始,由於沒有製作經驗,四出「拍膊頭」找幕後朋友幫忙,在埋班初期曾經因為壓力太大而萌生放棄念頭。她說:「初初以為慈善project唔需要好多錢,所有嘢諗得太簡單,到叫人幫手做嘢時,發現要搵到合適嘅人做合適嘅崗位真係唔易,當下真係好徬徨,有時喺度諗我咁辛苦為乜呢?老實講我一蚊都冇收,既然唔係為賺錢,點解我要攞苦嚟辛呢?」幸好最後找到電影編劇幫忙寫劇本,加上張同祖(祖哥)在幕前幕後也不遺餘力地幫忙,令Ali總算放下心頭大石。

Ali今次能夠成功邀請到祖哥飾演父親角色,過程絕不容易,「我託朋友介紹聯絡佢幫手時,佢真係唔知我係邊個嚟,亦冇睇過我嘅戲,我send資料畀佢後,過咗幾日冇回音,我就膽粗粗約佢出嚟飲茶,第一次見面佢已經畀咗好多劇本上嘅寶貴意見,最後見多幾次面後,終於打動到佢幫忙演出。」Ali大讚祖哥不但沒有計較酬勞,更分享執導經驗:「佢話我知電影究竟係咩一回事,話我知對每個作品嘅要求,我喺佢身上睇到佢對電影嘅每一份執着同熱誠,十分敬佩。」■Ali與張同祖合演父女,她坦言在祖哥身上學到好多嘢。

■Ali與張同祖合演父女,她坦言在祖哥身上學到好多嘢。
■張同祖飾演患腦退化症的老友記。
■張同祖飾演患腦退化症的老友記。
■Ali碌盡人情卡拍宣傳關注腦退化症短片,事事親力親為。
■Ali碌盡人情卡拍宣傳關注腦退化症短片,事事親力親為。

其他文章
hd