首頁 日報娛樂

除罩人氣跌娛圈夢碎專心斬豬肉 豬肉檔威威現身檔口黑面拒受訪

19/09/2022
Hello威威
■因為應援page停運,「威威豬」冇得再po威威近況,搞到好似威威失蹤咁,其實人哋一直喺舖頭。
Hello威威 ■因為應援page停運,「威威豬」冇得再po威威近況,搞到好似威威失蹤咁,其實人哋一直喺舖頭。

今年5月,因被指貌似MIRROR的AK,有「荃灣豬肉檔AK」之稱的劉宋威(阿威)突然爆紅,狂接廣告豬籠入水,每日更有大量「威威豬」(粉絲暱稱)到肉檔買豬肉求合照,又為他開設粉絲專頁。不過因為負面新聞沒完沒了,加上在一個廣告中「終極一脫」,貌似吳耀漢真身曝光,人氣急速下跌,專頁及應援page亦停運,粉絲走得就走。日前,《星島頭條》記者走訪肉檔發現威威,以往好nice嘅佢,全程黑面拒受訪,咁嬲咩?
採訪:娛樂組

威威的專頁及應援群組自上月15日起,至今已經三個星期冇任何更新,有網民留言表示應援群組管理員消失,所以冇人審核帖文,形同虛設。就連威威自己亦沒有返豬肉檔,無論「威威豬」定haters都大感愕然。本報就此事曾向威威的經理人及助手查詢,不過對方卻已讀不回,跟威威齊齊「潛水」。
威威每日都有返肉檔

記者日前到荃灣的豬肉檔希望了解威威近況,不過就未見到當事人,只見肉檔門口仍然有威威的大型廣告招牌,但以往威威介紹豬肉的錄音聲帶已經停播。記者再向附近店舖的員工打聽,得知威威原來每日都有如常返豬肉檔,中間會有落場時間,熱心員工更透露:「你哋見唔到佢只係去咗食飯。」更指威威有時會在店內一個窗簾後的位置休息及斬豬肉,生活變得低調。

話口未完,大約五時多,記者終於見到威威現身豬肉檔,以往有大批師奶包圍的他,家陣身邊只得真正買豬肉的街坊,觀其背影非常lonely,人氣明顯下滑。雖然回歸平淡,但威威在豬肉檔照樣包裝好自己,一頭灰銀色頭髮,加上好乾淨的波鞋,衣着光鮮整齊,其實都仲有啲星味,睇嚟佢依然眷戀幕前生活,威威對客人更加是親民有善,笑容滿面,敬業樂業專注落力斬豬肉。
見到記者聲衰唔耐煩

其後,記者趁舖頭冇客便上前跟威威做訪問,不過當威威見到記者時,塊面「立即變黑」,並一直低頭斬豬肉,未有望向記者,更以唔多高興的語氣表示:「唔做訪問,我唔得閒,做緊嘢呀。」未幾有一名年輕壯男帶着口罩衝出來,他未有透露身份,只向記者問道:「你咩人呀?你過嚟呢邊,我同你傾。」當記者表明身份,並表示想了解關於粉絲群組停運的事,該名壯男則表示:「威威唔會做訪問,你自己打去公司問啦。」之後再三表明威威不會做訪問,態度非常權威,而威威亦一直背向記者,頭也不回,未知威威是否已決心回歸平淡,正式告別僅57日的演藝事業。專心斬豬■威威好專心斬豬肉,呢個斬豬肉pose,當時迷死唔少師奶。

專心斬豬■威威好專心斬豬肉,呢個斬豬肉pose,當時迷死唔少師奶。
樂得清靜■在旁邊觀察一段時間,發覺冇fans圍住嘅威威表現自然,睇嚟佢樂得清靜。
樂得清靜■在旁邊觀察一段時間,發覺冇fans圍住嘅威威表現自然,睇嚟佢樂得清靜。
除罩真身 ■威威為一個廣告除罩,但為咗啲錢冇咗班fans。
除罩真身 ■威威為一個廣告除罩,但為咗啲錢冇咗班fans。
好受歡迎■威威曾經好受歡迎,經常被集郵。
好受歡迎■威威曾經好受歡迎,經常被集郵。
傳媒追訪■因為爆紅被傳媒追訪,威威表現好風騷。
傳媒追訪■因為爆紅被傳媒追訪,威威表現好風騷。
曾經神氣■企喺自己嘅廣告人形板隔離舉起手指公,幾招積。
曾經神氣■企喺自己嘅廣告人形板隔離舉起手指公,幾招積。
威威圖輯■威威以往似是得罪唔少人,所以有大量舊相流出。
威威圖輯■威威以往似是得罪唔少人,所以有大量舊相流出。
人生最威■今年6月,過百fans同威威慶祝36歲生日,當日壽星仔感動到喊。
人生最威■今年6月,過百fans同威威慶祝36歲生日,當日壽星仔感動到喊。
專頁停運■威威個人FB page自8月15日後已冇再更新。
專頁停運■威威個人FB page自8月15日後已冇再更新。
出過聲明■有傳威威係社團成員,威威出聲明話自己成身「公仔」,係因為熱愛紋身藝術。
出過聲明■有傳威威係社團成員,威威出聲明話自己成身「公仔」,係因為熱愛紋身藝術。
自費驗毒■因為被指曾經吸毒,威威自費驗毒,結果係六個月內冇吸毒。
自費驗毒■因為被指曾經吸毒,威威自費驗毒,結果係六個月內冇吸毒。

其他文章
hd