首頁 即時娛樂

即時娛樂

新劇與徐仁國譜奇幻人神戀 朴寶英相隔兩年再拍劇好緊張

新劇與徐仁國譜奇幻人神戀 朴寶英相隔兩年再拍劇好緊張

由韓國兩大收視保證朴寶英和徐仁國主演的Viu Original原創韓劇《某一天滅亡來到我家門前》,將在5月10日起逢星期一、二播出,並於同日深夜在「黃Viu」上架。劇情講述,平凡的網路小說編輯卓東景(朴寶英飾),出生以來沒有夢想、沒有目標,一直過着玩笑般的人生,某天卻意外和神與人類之間的管理者「滅亡」(徐仁國飾)扯上關係,並得知自己只剩下100天的壽命。生命雖然變得有限,兩人卻在這段只有百天的緣分中,找到了人生意義,並萌生活下去的念頭。

2021/04/16 22:00:00

陳明憙體驗失明好震憾    黃劍文綵排音樂劇喊到聲沙

陳明憙體驗失明好震憾 黃劍文綵排音樂劇喊到聲沙

今晚,黃劍文、陳明憙和陳凱彤為《攜手瞳行慈善音樂劇場》綵排,戲中飾演自小患視網膜色素病變的黃劍文即場演繹發脾氣戲份。他笑言上次綵排時喊足一個鐘,喊到連鼻涕都流出來,導演更要求他要Keep住情緒。他說:「每次綵排都好攰,真係聲都沙!所以綵排要有少少保留,但平時好少會歇斯底里咁嗌。」

2021/04/16 21:30:00

以特別方式悼念菲臘親王       Liam Payne每日繪畫像Po上IG

以特別方式悼念菲臘親王 Liam Payne每日繪畫像Po上IG

英國愛丁堡公爵菲臘親王於本月9日去世,享年99歲,其喪禮將於明日舉行,英國民眾都以不同形式悼念他。而英國人氣組合One Direction成員Liam Payne,近日就以特別的方式向菲臘親王致敬。

2021/04/16 21:00:00

【頭條獨家】《戰毒》囡囡無懼中招健身室打躉 34C陳紫芊唔做花瓶恨演專業人士

【頭條獨家】《戰毒》囡囡無懼中招健身室打躉 34C陳紫芊唔做花瓶恨演專業人士

健身室上月獲放寬重開,未料近來卻爆發「健身群組」,令人擔心再掀第五波疫情!不過,擁34C上圍的陳紫芊(前名陳晨,Elsie)一於冇有怕,Gym room一開即約私人教練操Fit Body,對於「中招」,Elsie有自己一套睇法:「有時係整定,你去咗嗰度有就有,冇就冇事㗎啦,冇得擔心咁多。」疫情下Job量大減,事業心重的她認為要時刻裝備自己,保持最佳狀態迎接工作機會;Elsie又盼擺脫「花瓶」形象,有機會多拍劇集、電影及綜藝,讓觀眾發掘她性感以外的一面。撰文:黎寶倫攝影:梁志明場地:Fivez Fitness & Wellness

2021/04/16 21:00:00

成面鬚濃烈滄桑味    王力宏被徐若瑄指撞樣奇洛李維斯

成面鬚濃烈滄桑味 王力宏被徐若瑄指撞樣奇洛李維斯

王力宏(Leehom)一向青靚白淨,不過佢今日上載同霍建華及方文山等人的合照,相中嘅Leehom成面鬚,又戴咗帽,有浸超濃烈嘅滄桑味,要望真啲先認到佢,Leehom表示:「有座山叫做東方文學山,不容易爬,但收穫滿滿。」對於Leehom的新造型粉絲們都議論紛紛,有人笑問他「你哪位」,而徐若瑄就問佢係咪奇洛李維斯?心水清嘅樂迷就注意到佢同方文山合體,會唔會嚟緊有新嘅音樂作品推出。

2021/04/16 19:52:00

【多圖】化身「魚缸」中的美人魚 34D歐詠怡晒噴血泳衣寫真

【多圖】化身「魚缸」中的美人魚 34D歐詠怡晒噴血泳衣寫真

曾推出寫真集的歐詠怡(WingWing)樣靚身材正,經常於社交網分享性感造型照,大晒34D火辣身材!整個冬天,頻頻晒睡房、酒店房「牀照」的她,見近日天氣回暖,即換上泳衣走到戶外影了一輯靚相,並上載到IG同粉絲們開心Share。相中,穿上超Deep V一件頭的WingWing心口露半球,腰間更有開窿設計騷出幼細蛇腰,她坐在一個裝滿水的透明半圓缸中,望住個海景擺出各種誘人Pose,儼如「大魚缸」中的美人魚一樣!一眾網民睇完紛紛現「心心眼」,並留言:「女神」、「太辣」、「好美」、「出水芙蓉」、「殺死人咩」等。

2021/04/16 19:30:00

周嘉洛聞跟MIRROR鬥一額汗 劉丹力撐對撼姜濤:你個頭夠大

周嘉洛聞跟MIRROR鬥一額汗 劉丹力撐對撼姜濤:你個頭夠大

劉丹、周嘉洛出席科技設計比賽頒獎禮,劉丹自嘲對科技屬於盲的一類,有跟孫女小糯米視像,指孫女很喜歡看書,尤其英文書。周嘉洛對被指獲TVB力捧為「千禧五虎」之一,說:「傳聞過傳聞,我未聽過,我係貓仔,邊係虎。」他笑稱叫「五貓」也幾得意。丹爺即說一向看好嘉洛,並為對方改名為「嘉洛哥」。對於有指「千禧五虎」與組合MIRROR對撼,嘉洛聞言即說:「聽到一額汗,是個非常大挑戰,盡力做好自己。(如做得好是否與姜濤有得fight?)唔係啩…點有可能,我覺得冇可能,人哋勁。」丹爺反問嘉洛為何睇小自己?嘉洛說做人不可以囂張,若別人欣賞多謝畀面,但自己說就無謂,亦不會用對撼的心態。丹爺笑說:「你可以同佢撼,因為你個頭夠大。」

2021/04/16 19:16:00

周柏豪最欣賞姚焯菲 詹天文獲最高分感壓力

周柏豪最欣賞姚焯菲 詹天文獲最高分感壓力

周柏豪在真人騷《聲夢傳奇》擔任導師,自言都是邊教邊學,視為自己的補習班。他說:「有啲嘢以前學唱歌時學過,但有時做做吓忘記咗。」問到他有甚麼心得可傳授?他說:「例如點企會好睇啲、心理質數、咬字等等。(心理質數係強項?)都唔係,唔可以話自己最強項。但可以分享一吓,喺呢行可以清楚自己多啲。」談到最欣賞哪個學員?周柏豪表示是最年輕的姚焯菲,「我屋企啲小朋友都係10幾歲,仲係BB咁,但佢好犀利。如果佢10年後仲喺度,我覺得佢有潛質有更大嘅進步。」男學員方面,柏豪笑指:「有啲仲有信心過我,唱歌運用技巧方面仲純熟過我。」

2021/04/16 18:47:00

公開老公書法作品      方媛讚好郭富城:不錯喲

公開老公書法作品 方媛讚好郭富城:不錯喲

郭富城歌精舞勁,亦係影帝級人馬,多才多藝仲要靚仔添。今日,郭太方媛上載咗一張寫上「腹有詩書氣自華」的毛筆字,仲話「不錯喲」,再望真啲,見到郭富城個簽名,Fans留言讚字體好秀氣,仲讚城城才貌雙全,翻查資料,字句出自蘇軾一首題為《和董傳留別》的詩。粗繒大布裹生涯,腹有詩書氣自華。厭伴老儒烹瓠葉,強隨舉子踏槐花。囊空不辦尋春馬,眼亂行看擇婿車。得意猶堪夸世俗,詔黃新濕字如鴉。城城寫嘅一句係話董傳雖然只係著啲用粗布製造嘅衫, 但都冚唔住讀書人嗰種華貴嘅氣質。

2021/04/16 18:30:00

收《聲夢》1日人工做足7日 李克勤嗌好玩大讚士氣好

收《聲夢》1日人工做足7日 李克勤嗌好玩大讚士氣好

TVB真人騷節目《聲夢傳奇》綵排,主理人李克勤表示過程好玩,他願教學員又願學,更很久沒見過台前幕後如此齊心做好一件事。他說:「我收嘅人工係一個禮拜做一日嘢,依家幾乎日日都會開會,所有人都係全天候。」他坦言大家都未知道收視跟口碑會否似預期,但士氣非常好。克勤指某幾個學員的確稍為遜色,但有趣是到了正式踏台時又有好表現,並以足球員來作比喻,說:「有啲係大賽球員,大賽先有好表現。有啲平時也文也武,但一到大賽就隱形。」他又大讚學員抗壓能力非常高,想到以前新人站台是真的會驚到腳震。

2021/04/16 18:16:00

hd