首頁 即時娛樂

細仔百日宴頒獎畀哥哥 諸葛紫岐封唔封肚問囝囝

26/07/2019 18:51:00
諸葛紫岐同老公都話細仔好乖,哥哥又錫細佬。
諸葛紫岐同老公都話細仔好乖,哥哥又錫細佬。

薛嘉麟與太太諸葛紫岐(Marie)今年4月再添一子Andersen,升呢幸福四口之家,今日設百日宴,筵開22席與親友分享喜悅。Marie以她鍾愛的卡通人物「麵包超人」及氣球悉心佈置現場,除了精緻的雙層蛋糕,更有卡通杯子蛋糕、雪茄型朱古力,及寫有Andersen字樣的馬卡龍等。

Marie與老公齊齊亮相,但未有帶同主角Andersen與大家見面。薛嘉麟指百日宴主題是馬戲團,是太太與哥哥Arthur的愛好。問Marie湊兩個小朋友辛苦嗎?她說:「都OK,主要是第一個時吸收好多經驗,現在冇咁緊張。(修身都好快?)係呀,因為同第一胎生時差不多,所以冇咁緊張,第一胎時緊張好多。(細仔乖嗎?)弟弟好好湊,好乖,只有肚餓時會喊,飲完奶便好乖,但目前未戒夜奶,3個鐘餵一次,想4個鐘都唔得,暫時冇覺好瞓。」

問到Andersen較黐誰?薛嘉麟笑說:「佢好乖,唔扭計,個個抱都得。」Marie又希望細仔先學識叫哥哥,說:「不如叫哥哥先,哥哥真係好錫佢,佢都成日同細佬講叫哥哥先唔好叫父母住。」薛嘉麟表示已為Andersen取中文名,夫妻二人想了4個名字,由哥哥從中選擇,宴會上亦會頒一個「最佳哥哥獎」給Arthur。Marie說:「因為佢一直好保護細佬,又不會呷醋,細佬一喊我們手腳慢點都會畀哥哥鬧。」

提到Marie身形沒變,她直言好開心產後可以維持到好身材;老公薛嘉麟則說:「初時唔公佈係唔想太太有壓力,因為第一胎情緒波動大,今次希望畀多點空間佢,令佢舒服點。」問到二人會否「收工」還是仍有計劃再為兒子添弟妹?Marie甜笑問老公「收工未?」,薛嘉麟說:「今次要問細仔,因為要尊重兩個囝囝。」問Marie以兒子為先,老公排到第幾位?Marie望住老公甜笑,薛嘉麟笑言:「是冇所謂,太太在我心中排首位,我只要在她心中有位置便可。」

薛嘉麟謂以馬戲團為百日宴主題,是太太與哥哥Arthur的愛好。
薛嘉麟謂以馬戲團為百日宴主題,是太太與哥哥Arthur的愛好。

其他文章
hd