首頁 即時娛樂

9成9觀眾睇補場 容祖兒拉睇騷張信哲上台做嘉賓

13/08/2019 14:31:00
張信哲在祖兒及全場觀眾起哄下上台做嘉賓。
張信哲在祖兒及全場觀眾起哄下上台做嘉賓。

容祖兒演唱會進入第8場,本來昨晚應是休息日,但因為頭場機件故障,所以祖兒放棄休息,把這日作為補場,9成9觀眾都沒有放棄睇多次機會,再次入場。
開場不久,祖兒望見9成9觀眾再次返場,疑似眼濕濕,向觀眾說:「唔知點解,今晚特別感動嘅…」唱完第一part,祖兒同觀眾打招呼:「Hello,好特別,今晚係好特別晚上,特別場,未試過一張飛可以睇兩次!無論你今晚係唔係第二次嚟睇,我希望唔會有第3次,哈哈哈,唔好意思又叫你再來…無論你第幾次,作為今晚主場,我一定盡我努力去演出,令大家有兩小時開心感覺,多謝你哋。」由於是特別場,祖兒之前並無預算,沒有邀請到嘉賓來幫忙,昨晚特別來賓環節,臨時把以朋友身份來睇騷的張信哲拉上台。祖兒先跟大家講笑說第一晚嘉賓張學友不會連續兩次來,然後介紹坐在VIP席上楊受成旁邊的學友異父異母細佬…張家輝。當觀眾大叫家輝上台時,祖兒幫手解圍:「講唱歌未必係佢強項,唔好搞佢,不如我哋視線再移兩個位,嘩!呢度到有另一個姓張,張信哲先生!阿哲多年前同我做過音樂會,2015定16年?合作做過《我是歌手》,我同張信哲好有緣份㗎! 佢好似好耐冇喺香港演出,大家覺得點呀?不如試下用誠意打動張信哲先生啦!」
VIP位上阿哲被突如其來的邀請嚇一跳,不停耍手示意沒準備,但祖兒不肯放過他,說:「你得嘅,你開緊巡迴演唱會,你把聲都開晒啦!」然後帶領全場觀眾不停大叫張信哲!張信哲!結果阿哲推不掉,自觀眾席走上台。阿哲上台後,尷尷尬尬道:「哎吔,我沒有要來當嘉賓!我是來幫你加油啊!你的演唱會導演也是我的巡唱導演!我來幫你們打氣。我被嚇倒啦!」祖兒安慰阿哲說:「沒關係啦,你整個人都好Ready啦,整個紛紅色,大家說帥不帥?」觀眾都回話:「帥!」阿哲笑道:「帥我承認啦!但是沒準備啦!」祖兒話:「你的首本名曲,我們每個人也想聽,我用一個鋼琴為你伴奏可以嗎?」繼而琴聲響起,兩人合唱《愛如潮水》,觀眾掌聲雷動。一首之後,祖兒嫌未夠,拉著不肯讓阿哲走,然後兩人跟全場觀眾大合唱《習慣失戀》把現場氣氛推到最高。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd