首頁 即時娛樂

【頭條獨家】黃建東淡水情人橋博艷遇 望下次有女陪旅遊

23/10/2019 20:00:00
阿東在淡水情人橋擺晒心心甫士,希望有艷遇埋身。
阿東在淡水情人橋擺晒心心甫士,希望有艷遇埋身。

黃建東早前趁住未開劇,同舞台劇演員朋友去了轉台北玩,但原來這是他人生第二次去台灣,由於他有接近20年冇去過,所以去玩和食的地方,都是港人去到唔去的地標。不過,阿東自爆此行仲有秘密目的,就是去淡水情人橋博有艷遇成功脫單,「希望下次有女朋友陪,唔使再兩個麻甩佬去玩啦!」採訪:杜淑霞

點知阿東由日等到夜,連鬚根都出埋,都係冇女埋身。
點知阿東由日等到夜,連鬚根都出埋,都係冇女埋身。
印象中首次去野柳的阿東,大讚當地風景靚。
印象中首次去野柳的阿東,大讚當地風景靚。

阿東上次去台灣旅行,已是中學時跟家人跟旅行團去玩,「我自己都覺得實在太離地,我又鍾意食台灣嘢,趁演完舞台劇,又未開王心慰監製嘅新劇《失憶24小時》,淨係拍《絕世港佬》,咪抽5日去轉台北,同大家拉近番距離。」

阿東在野柳Chok晒擺甫,仲話呢張相讀者睇唔到係大家損失喎!
阿東在野柳Chok晒擺甫,仲話呢張相讀者睇唔到係大家損失喎!
大家可能N年前去十分會擺呢種甫士,但阿東係初哥唔好怪佢。
大家可能N年前去十分會擺呢種甫士,但阿東係初哥唔好怪佢。

增肥之旅
由於台灣所有嘢對阿東來講都好新鮮,難得朋友又肯陪佢再去,所以佢唔介意畀人笑冇新意,「有啲地方就算我之前去過,但過咗咁多年都唔同晒,好彩朋友由得我揸主義,雖然有啲厭棄,但都肯陪我再去過,真係好兄弟!我覺得最靚係淡水同野柳啲風景,當然台灣啲嘢食一定正啦!好似喺饒河夜巿食嘅藥膳排骨咁,啲湯又濃,排骨又入味,我本嚟諗住減肥,點知變咗增肥之旅,不過去得旅行放鬆,就唔諗咁多,好彩返嚟狂做運動,好快減番幾磅。」

見阿東在淡水情人橋擺晒心心甫士,他解釋此行原來另有目的,「本嚟諗住喺情人橋睇吓會唔會有艷遇,希望下次有女朋友陪,唔使再兩個麻甩佬去玩啦!點知完全冇人理我,唯有繼續專心做嘢,快啲上車買樓做業主先啦!」

支持環保的阿東,就算唔將天燈放上天都照樣寫滿晒心願,除了為事業和家人外,當然唔少得做業主啦!
支持環保的阿東,就算唔將天燈放上天都照樣寫滿晒心願,除了為事業和家人外,當然唔少得做業主啦!
阿東大讚饒河夜巿藥膳排骨好味,下次有機會一定要再食。
阿東大讚饒河夜巿藥膳排骨好味,下次有機會一定要再食。
藥膳排骨
藥膳排骨
阿東當然亦有去港客至愛的上引水產,大擦海鮮啦!
阿東當然亦有去港客至愛的上引水產,大擦海鮮啦!
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd