首頁 即時娛樂

【頭條獨家】恩愛夫婦 視狗如命 Eric Kwok湊金菠蘿「一家三口」家庭樂

25/10/2019 21:30:00
Eric兩公婆今年1月開始養白威狗BB「金菠蘿」,不時帶「阿女」去唔同地方散步,一家三口好幸福㗎!
Eric兩公婆今年1月開始養白威狗BB「金菠蘿」,不時帶「阿女」去唔同地方散步,一家三口好幸福㗎!

音樂人郭偉亮(Eric Kwok)和葉佩雯(Grace)結婚8年,一直未有計劃生小朋友,多年嚟兩公婆keep住養狗仔,不知幾happy。日前晚上,呢對狗奴夫婦拍拖去淺水灣dinner,都專登帶埋一歲多嘅白色爹利犬「金菠蘿」同行,仲遷就「阿女」坐露天餐廳。見恩愛夫婦食吓飲吓又傾吓,之後「Daddy」就獨自拖金菠蘿去散步,最後「兩父女」開心折返,join返Grace「一家三口」溫馨回家。 採訪 : 李維隆、張詠森、李權威

兩公婆結婚8年都有講唔完嘅話題,飯局無悶場。
兩公婆結婚8年都有講唔完嘅話題,飯局無悶場。
愛妻號Eric怕太太操勞,獨自去放狗。
愛妻號Eric怕太太操勞,獨自去放狗。

因為激似荷李活影星羅拔唐尼(Robert Downey Jr.),而有「港版Iron Man」之稱嘅郭偉亮,同老婆葉佩雯由拍拖到結婚一齊19年,二人唔生小朋友主力湊狗,不過自去年白威(Westie)狗女Nana因病離世,二人連番飽受失去「仔女」之痛,傷心咗一段日子,今年初二人心癢癢,喺社交網誌喜迎家庭新成員,Eric以英文留言:「在過去的14年,我們養過三隻狗,Ah Jun、Toro和Nana。那些年已經過去,現在新的時代開始了。這個小傢伙的名字是菠蘿,全名金菠蘿!」回復「開心湊女」嘅日子。

Grace睇實金菠蘿;老公就左右手幫友人拖狗。
Grace睇實金菠蘿;老公就左右手幫友人拖狗。
好怕熱嘅Grace,風扇仔不離手。
好怕熱嘅Grace,風扇仔不離手。

日前晚上7時,Eric兩公婆揸車去淺水灣放狗仔。二人揀選在一間露天餐廳坐低,方便照顧「囡囡」。見二人點了凍檸茶、凍咖啡及幾款食物,邊食邊講,有說不完嘅話題。只見面圓身腫幸福肥嘅郭太穿上長袖衫,愈坐愈熱,要出動私伙風扇仔放枱上「自私吹」降降溫。其間Grace又不時睇手機,再與老公開心share。

Hea足大半小時,人夫開始每日嘅指定動作放狗散步嘞!見佢獨自拖住囡囡去散步,當見到其他愛心狗主時會輕鬆微笑大談狗仔經。見到金菠蘿同其他狗仔追逐嬉戲,Eric笑得特別甜。15分鐘過後,Eric睇睇錶怕悶親老婆,即帶囡囡折返餐廳,一家人再行去取車返家。

另一日下午同一個地點,又見到Eric和老婆帶金菠蘿去街街,呢日就多咗Eric嘅男友人,以及其兩隻愛犬。三人喺餐廳歎冷氣食tea,逗留近一小時,兩男首先拖狗步出,男友人托Eric幫手湊愛犬,然後如廁。其後,Grace埋單出門就負責睇實金菠蘿。等埋男友人接番狗仔,Eric夫婦就拖住愛犬行去取車走人。

狗奴Eric夫婦早前抱新寵「金菠蘿」影全家福。
狗奴Eric夫婦早前抱新寵「金菠蘿」影全家福。
今年8月,Eric夫婦po相放閃,慶祝19周年紀念日呀!
今年8月,Eric夫婦po相放閃,慶祝19周年紀念日呀!
上月,Eric搵埋老婆帶移民美國嘅母親往日本旅遊,觀光之餘不停食好嘢。
上月,Eric搵埋老婆帶移民美國嘅母親往日本旅遊,觀光之餘不停食好嘢。
Eric夫婦以父母之命,替現時14個月大嘅白威愛女「金菠蘿」開咗個社交網po得意相及短片。
Eric夫婦以父母之命,替現時14個月大嘅白威愛女「金菠蘿」開咗個社交網po得意相及短片。
其他文章
hd