首頁 即時娛樂

【頭條獨家】身家億五 最鍾意同細路玩 揭鄭伊健不老之謎

12/11/2019 21:30:00
戴咗個眼鏡好文青嘅伊健食完嘢離開,佢一直伴隨小朋友,撩完狗狗再同小朋友傾埋下半場。
戴咗個眼鏡好文青嘅伊健食完嘢離開,佢一直伴隨小朋友,撩完狗狗再同小朋友傾埋下半場。

話咁快鄭伊健就52歲,年頭先喺香港開完六場演唱會,之後再去美國、馬來西亞同內地開Show,有觀眾緣好重要,咁都要啲歌好聽嘅。未有戲拍嘅伊健唔算太忙,喺巡迴Show之間都可以約朋友飯聚。11月3日(日),伊健開完天津Show翌日即約老友,其御用監製陳光榮及兩女一男一小朋友一狗狗食晚飯,發咗小小福,頭髮依然咁濃密的伊健大部份時間同小朋友吹水,離開時一大一細黐實密密傾,畫面好治瘉。明白點解伊健5字頭感覺仲咁Young,一有錢,二心境年青,明晒。採訪:張詠森、李維隆

伊健當晚好好胃口,Pizza一塊接一塊。
伊健當晚好好胃口,Pizza一塊接一塊。
伊健同坐對面嘅小朋友好好傾,遠望伊健塊面脹咗啲啲。
伊健同坐對面嘅小朋友好好傾,遠望伊健塊面脹咗啲啲。

鄭伊健真係好完美,靚仔但專一,有錢又孝順。同蒙嘉慧結婚六年,早前就將旗下公司「EK Plus Limited」加入太太名字擔任董事,又掟千萬買入元朗地皮起村屋送畀岳父安享晚年。11年老婆遇上交通意外,翌年遭被撞車上乘客入稟高院索償403萬,當年仍屬男友的伊健,全面協助YoYo面對官司訴訟,官司終在去年尾完結,獲法官宣判賠償金額減至51萬,成功為妻討回公道。

其實伊健近年主力開Show,吸金力超強。
其實伊健近年主力開Show,吸金力超強。
伊健同蒙嘉慧結婚六年,今年YoYo 46歲生日,伊健購入一架小型Jeep作為老婆生日禮物,錫到燶。
伊健同蒙嘉慧結婚六年,今年YoYo 46歲生日,伊健購入一架小型Jeep作為老婆生日禮物,錫到燶。

有樓有錢好富貴
而伊健在年初在港完成6場紅館演唱會後,為獎勵自己,一向愛買「磚頭」保值的他,斥資過千萬購入大埔白石角雲匯三房單位,據知由操財政大權的鄭太決定購入。其實伊健一向愛買磚頭,多年來名下持有的物業有增無減,現他跟太太蒙嘉慧在淺水灣雅景閣的愛巢,於2007年以2,800萬購入,現時市價已升至6,000萬,計埋早年買落的黃埔花園、西貢村屋、匡湖居及元朗地皮,估計身家達億五。

同小朋友好好傾
當日晚上7時,伊健同朋友去咗淺水灣寓所附近的食肆食Pizza,一行六人加一隻古代牧羊犬開心食足個半鐘,伊健同坐對面嘅小朋友好好傾,差唔多傾足成程。食飽埋單,眾人籌期,每人兩百好經濟,伊健食飽戴番副眼鏡就離開,望落伊健好似發咗福,面圓身又圓,一行六人離開餐廳,伊健開頭掛住撩狗狗,之後就同小朋友繼續行住傾,一直行到返屋企。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd