首頁 即時娛樂

【頭條獨家】誓要4年儲300萬老婆本 龐景峰月使6千好慳家

18/11/2019 22:36:00
Andrew與Peggy拍拖兩年,去年一齊養了愛犬「梳打」。
Andrew與Peggy拍拖兩年,去年一齊養了愛犬「梳打」。

郭秀雲兒子龐景峰(Andrew)與拍拖兩年的女友何佩珈(Peggy)都鍾意狗,去年有朋友的秋田犬生咗狗仔就送了隻給他,他終如願以償有自己愛犬「梳打」。日前Andrew與Peggy一齊去灣仔添馬艦公園放狗,兩人愛錫梳打如自己個仔一樣。問二人想結婚生仔嗎?Andrew直言Peggy仲要讀4年書,他現以拍戲、唱歌、賣波鞋和開武術演藝學院,四管齊下望儲到300萬結婚,他更承諾會將搵到嘅錢全數畀晒未來老婆,Peggy冧晒啦!撰文:李佩儀 攝影:李權威

平日兩人會一齊拍拖放狗,好溫馨!
平日兩人會一齊拍拖放狗,好溫馨!
Peggy好錫梳打,但梳打只會聽Andrew的話。
Peggy好錫梳打,但梳打只會聽Andrew的話。

Andrew親生父親是錢小豪,繼父是已故「鋼鐵大王」龐鼎元的細仔龐傑。家住半山的他,常常帶梳打去行山和跑步,他表明自己是嚴父,放狗當日,他見到梳打與其他的狗玩得太癲會喝止,反而Peggy鍾意用軟功,故被指寵壞愛犬,他們笑言當梳打是自己個仔一樣咁錫。曾稱視Peggy為結婚對象的Andrew,問他有沒有結婚時間表?他坦言:「要儲夠老婆本先,最少都要300萬喇。」他表示現時工作除了拍戲、唱歌和在網上賣波鞋,嚟緊他還與朋友夾份開武術演藝學院,他續說:「好在我好慳家,一個月只使6千蚊,所以都儲到錢。」

只是Peggy仍是學生一名,她現於理大修讀翻譯,還有兩年才畢業,Peggy稱:「畢咗業仲想讀多一年碩士同一年教育文憑,因為我想做幼稚園教師。」Andrew即接着說:「所以慢慢儲吓錢都未遲。」問現時同居的他們怕唔怕未婚懷孕時,Andrew笑言會好小心,應該冇問題,平日Peggy更會親自下廚煮飯畀Andrew食。問Andrew喜歡Peggy甚麼時,他好坦白話:「雖然佢有好多缺點,但個人好真,所以我一定唔會離開佢。」而Peggy就鍾意Andrew夠貼地,知道自己做緊乜,冇乜富二代的架子。

Andrew對梳打管教甚嚴厲,自稱是嚴父。
Andrew對梳打管教甚嚴厲,自稱是嚴父。
Andrew透露媽咪郭秀雲對Peggy有讚冇彈。
Andrew透露媽咪郭秀雲對Peggy有讚冇彈。

曾與吳耀漢合作的Andrew,表示即將到內地拍戲做男一。
曾與吳耀漢合作的Andrew,表示即將到內地拍戲做男一。
熱愛運動和武術的Andrew,每日都會練習,亦有教班。
熱愛運動和武術的Andrew,每日都會練習,亦有教班。
Andrew鍾意唱歌,他表示出專輯的願望明年可成事。
Andrew鍾意唱歌,他表示出專輯的願望明年可成事。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd