首頁 即時娛樂

【頭條獨家】 泰國直擊 姜文杰逆巿開公司拍電影 秦沛親自演出力撐

06/12/2019 20:30:00
Benji自爆拍攝時,被爸爸的戲感動到喪喊。
Benji自爆拍攝時,被爸爸的戲感動到喪喊。

秦沛(Paul)和姜文杰(Benji)首次以父子檔拍攝港產電影《大盜演》,今次更是Benji跟李璨琛等人成立製作公司的創業作,Benji亦身兼執行監製,身為爸爸的Paul哥當然要親身到泰國演出力撐。Benji坦言明白巿道低迷下開公司冒險,但仍想為這行業打氣及製造機會,Paul哥對囝囝的付出相當鼓勵。採訪:杜淑霞

Paul哥坦承現在電影行難撈,更想鼓勵新一輩同業。
Paul哥坦承現在電影行難撈,更想鼓勵新一輩同業。
Benji和李璨琛在該片除主演,還兼任執行監製和監製的,在拍攝現場更學整泰式奶茶慰勞一班工作人員。
Benji和李璨琛在該片除主演,還兼任執行監製和監製的,在拍攝現場更學整泰式奶茶慰勞一班工作人員。


《大盜演》以一套爛尾電影開始,Benji坦承角色非爸爸演出不可,「爸爸個角色虛幻啲講,代表呢個行業咁多年嘅代表,我就代表入行冇乜機會嗰啲,所以有好多對白喺Paul哥呢個演員口中講出嚟,唔係對我,係對咁多演員嘅鼓勵。」Paul哥亦直言今次演出不是單純撐囝囝,「係想鼓勵呢行嘅從業員。」

16年Benji和Paul哥在內地電影《我的1000萬》中合演兩父子。
16年Benji和Paul哥在內地電影《我的1000萬》中合演兩父子。
Paul哥除了父母外,兩位弟弟姜大衛和爾冬陞都在圈中發展,絕對是演藝世家。
Paul哥除了父母外,兩位弟弟姜大衛和爾冬陞都在圈中發展,絕對是演藝世家。


出世已入行
Benji坦承整個家族,由爺爺嚴化、嫲嫲紅薇,到爸爸和兩位叔叔姜大衛和爾冬陞都是圈中人,自己一出世已入了行,「真係冇得揀,我唔做呢行會瞓唔着。」Paul哥都直言,「佢喺UBC畢業,我都有問佢點解做呢行,好辛苦㗎喎!但我答應佢大學畢業,就可以追求自己嘅目標。」

講到這個時勢開製作公司決定會否太冒險?Benji好感概話:「自己前排情緒都好低落,因為音樂比電影更萎縮,我冇得喺台上表演,自己好唔開心,可能開間公司對我哋自己都係靈藥,一路keep住做,又幫到有志入行嘅人。」Paul哥都好支持囝囝決定,「鼓勵,食咗電影呢行咁多年,佢阿爺養大我,我就養大佢。」

電影《大盜演》早前在泰國取景,Benji和Paul哥都有同行。
電影《大盜演》早前在泰國取景,Benji和Paul哥都有同行。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd