首頁 即時娛樂

【頭條獨家】王梓軒狂讚女神娶得過 陳煒爆同男友未到結婚地步

05/12/2019 19:30:00
訪問中,梓軒狂讚女神,搞到煒哥都有啲唔好意思。
訪問中,梓軒狂讚女神,搞到煒哥都有啲唔好意思。

陳煒和王梓軒最近在劇集《多功能老婆》首度合作,梓軒坦言期待同煒哥拍檔已久,仲大讚煒哥是100分多功能老婆,將來搵到個有煒哥一半的對象都心足。不過問到男友陳醫生幾時有這福氣,煒哥竟自爆未到結婚這地步。兩人又提到戲中一場一鏡落的牀上戲,梓軒慘被煒哥不停擊中要害,提起都覺尷尬。撰文:杜淑霞 攝影:李維隆 服裝:Weekend Max Mara(煒哥)、Neil Barrett(王梓軒)

劇中煒哥演的女強人「萬風華」,遇上溫室小王子「梅君明」註定情路多波折。
劇中煒哥演的女強人「萬風華」,遇上溫室小王子「梅君明」註定情路多波折。
煒哥話跟劇中好姊妹楊千嬅和朱晨麗一見如故,演起來特別放。
煒哥話跟劇中好姊妹楊千嬅和朱晨麗一見如故,演起來特別放。


煒哥和梓軒雖然是第一次演一對,但大讚監製陳寶華的劇本令他們好易投入,煒哥說:「佢個角色官仔骨骨好有才華,真係唔使做,本身都有嗰種氣質入型入格,我好自然就有嗰份距離感。」梓軒大讚期待跟女神合作已久,「好容易投入,明益我,呢方面真係唔使演,坐底兩分鐘聽把聲都有feel啦!係難抽離啫!醫生Chan Sorry!哈哈!」

梓軒提到劇中演其養母爵士夫人的梁舜燕即眼濕濕,大讚對方氣質高貴又善良,對後輩相當照顧。
梓軒提到劇中演其養母爵士夫人的梁舜燕即眼濕濕,大讚對方氣質高貴又善良,對後輩相當照顧。
7月,煒哥大方承認跟醫生陳國強正在蜜運中。
7月,煒哥大方承認跟醫生陳國強正在蜜運中。


拍牀戲擊中要害
梓軒又大讚煒哥完全符合多功能老婆條件,「最正嘅女人,唔係千依百順,係有自己追求嘅事業諗法,自己都希望自己伴侶都係咁,但係難,咁多煒哥咩!(搵到未?)搵到會同大家分享,帶畀煒哥過目(煒:見奶奶呀!)佢話有佢五成就OK!」問到煒哥男友陳國強醫生有冇呢個福氣,她就話:「我點知呀!佢都未到呢一步,我哋冇結婚計劃,𠵱家開心就OK!」

講到難忘戲份,煒哥即大爆兩人有場好激的牀戲,即令梓軒個樣勁尷尬,他坦言對住女神怕羞。煒哥說:「講我哋喺牀度激烈爭辯,仲有啲動作,個拍法係一個shot落,由我入屋到牀,由頭到尾,都幾深刻。我最叻就係,唔使度位,每次都擊中佢要害!哈哈!」問到梓軒詳情,他即大賣關子笑言:「我中到啲嘢跌晒出嚟,到時大家留意啦!」

「萬風華」帶少爺仔「梅君明」去食大排當,對方竟然覺得好刺激。
「萬風華」帶少爺仔「梅君明」去食大排當,對方竟然覺得好刺激。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd