首頁 即時娛樂

羅仲謙曾為老婆冬夜跳海 汪明荃:楊怡幾任性㗎

09/12/2019 15:33:00
羅仲謙自爆當年冬夜跳海追求楊怡被拒,汪阿姐聽得問得好肉緊。
羅仲謙自爆當年冬夜跳海追求楊怡被拒,汪阿姐聽得問得好肉緊。

羅仲謙跟老婆楊怡於2011年合作劇集《On Call 36小時》撻著,拍拖5年後於2016年結婚,至今恩愛如昔。
羅仲謙在昨晚播出的綜藝節目《娛樂大家》真假話題環節自爆「曾為追女仔深夜冬天跳海」,被問是否楊怡時,他都拒答;但主持人汪明荃(阿姐)開口問,他就乖乖回答:「係」。謙仔說當時在港島一個沙灘:「佢大我,又睇唔出我真係咁大膽跳」,阿姐即謂:「楊怡幾任性㗎,佢做過我個女」;當得知阿怡當時答應謙仔肯跳就做他女友,阿姐再謂:「咁抵啦你,又識游水,教練嚟嘅,難唔到你」。
謙仔謂當時除淨內褲跳落海由沙灘游出浮台,並大叫:「可唔可做我女朋友?」阿姐續問:「你上咗嚟佢滿唔滿意你做法?」羅仲謙說:「最蝕底…唔知佢滿唔滿意…」這時有人笑說「冷縮熱脹」,坐在阿姐身旁的森美就想歪不停在狂笑,阿姐忍不住出手打森美說:「咪嘈啦!」阿姐再問:「佢有冇應承?」謙仔答:「冇。(有冇後悔?)有,諗返係好危險,因為冇救生員。」總括阿姐都信羅仲謙講真話,並強調:「佢真係好鍾意阿怡。」

森美諗歪不停笑,被阿姐拍打嫌嘈。
森美諗歪不停笑,被阿姐拍打嫌嘈。
羅仲謙上《娛樂大家》節目。
羅仲謙上《娛樂大家》節目。

羅仲謙和楊怡久不久就在社交網放閃。
羅仲謙和楊怡久不久就在社交網放閃。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd