首頁 即時娛樂

【頭條獨家】參加《造星II》博有轉機 劉瑞祈視比賽為學習機會

13/12/2019 01:15:00
對於有指今年賽制加入MIRROR有欠公平,Kay就借監製花姐的話回應,「呢個始終係一個節目,永遠唔會公平,唔鍾意可以走。」
對於有指今年賽制加入MIRROR有欠公平,Kay就借監製花姐的話回應,「呢個始終係一個節目,永遠唔會公平,唔鍾意可以走。」

《全民造星II》已選出了最後10強,周日(15日)將有冠軍誕生。今次真人騷繼續有不少熟口熟面參賽者,97號的Kay(劉瑞祈),其實早在16年以二人男子組合ReVe身份出道,不過未見成績,加上隊友年幾前走埋,Kay決定參賽博一博,雖然20強止步,但他已覺超出預期,更認為是個非常好的學習機會,亦大大提升了知名度,他更睇好老死JJ(范卓言)可在比賽中奪冠。撰文:杜淑霞 攝影:李權威 場地:Alive Dance Studio

比賽中,Kay坦承舞蹈成績比起唱歌獲更高評價。
比賽中,Kay坦承舞蹈成績比起唱歌獲更高評價。
Kay直言抽中編號97,任何錄影都要等到尾,絕對是耐性考驗。
Kay直言抽中編號97,任何錄影都要等到尾,絕對是耐性考驗。

27歲的Kay當年跟陳子華(Cavan)組二人男子組合ReVe,到過台灣集訓,可惜發展平平,年多前隊友更決定離港發展,孤軍作戰的他在舊同事、上屆《造星》參賽者阿神(曾贊學)鼓勵下決定參賽,「隊友走咗年幾,真係唔知點打算,佢就話不如參加比賽可能係一個機會,佢自己都係參賽轉變好大。」

比賽成為B2組成員的Kay,對於大家的團隊精神感受最深。
比賽成為B2組成員的Kay,對於大家的團隊精神感受最深。
Kay坦言比賽期間每日操練,雖然辛苦,亦好享受這過程。
Kay坦言比賽期間每日操練,雖然辛苦,亦好享受這過程。


唔顧歌手形象
不過,Kay坦承最初只望入到50強,「嗰時真係諗住做到幾個表演,譬如唱到自己入行第一首歌,已經好滿足㗎啦!真係冇諗到咁遠,講真愈耐愈發覺真係唔想離開呢個舞台,之後真係有諗過希望入到10強,但𠵱家入到20強都冇失望,不過比賽後節目要我講感受,最初真係講唔到嘢。」

Kay謂比賽令他成長了很多,「以前做歌手,咩都有公司照顧,今次我公司講明唔會理我,比賽令我變得獨立咗好多,又唔會成日顧住歌手身份同形象,以前自己有做模特兒嗰啲兼顧都唔敢同人講,𠵱家反而唔會啦!」講到對未來期望,他好希望有機會達成歌手夢外,還想跟老友阿神齊齊做主持,「我諗同佢合作應該會好開心,當然都想拍劇,但自己對演戲冇乜信心。」

Kay(右一)與參賽者(左起)阿聰、賀嵐、JJ、李信希和Aris自組了「Bin Gang」(邊疆兄弟 )。
Kay(右一)與參賽者(左起)阿聰、賀嵐、JJ、李信希和Aris自組了「Bin Gang」(邊疆兄弟 )。
16年,Kay跟陳子華(Cavan)以二人男子組合ReVe身份出道。
16年,Kay跟陳子華(Cavan)以二人男子組合ReVe身份出道。
其他文章
hd