首頁 即時娛樂

【頭條獨家】做足34年男主角 張兆輝勉勵年青人唔好太計較

16/01/2020 00:21:00
《黃金有罪》和姚子羚擔正,當年孭重飛同戚美珍拍60集長劇《黃金十年》同樣上晒位。
《黃金有罪》和姚子羚擔正,當年孭重飛同戚美珍拍60集長劇《黃金十年》同樣上晒位。

TVB經典60集長劇《黃金十年》係張兆輝第二部擔正男一的劇集,相隔34年,新劇《黃金有罪》仍然係輝哥做男主角。劇中輝哥有好多動作鏡頭,同黃智賢(阿Ben)、蕭正楠及吳岱融等打到飛起,又要演繹多面人格,真係好考演技。對於做足34年男主角,輝哥奉勸年青人唔好怕辛苦同埋斤斤計較,因為當年前輩教落:「當你努力過,便會有回報!做人最緊要唔好同人比較,知足常樂,做好自己。」採訪:方騫平 服裝:Giorgio Armani 化妝:雷淑賢 

輝哥箍住蕭正楠,好兇狠呀!
輝哥箍住蕭正楠,好兇狠呀!
喪打阿Ben,充份表現出角色心狠手辣一面。
喪打阿Ben,充份表現出角色心狠手辣一面。

張兆輝憑電影《催眠.裁決》先後獲《2019國影年度表彰盛典》「最優秀電影男演員獎項」及《第11屆澳門國際電影節》「最佳男配角」,演技受肯定,不過,喺TVB新劇《黃金有罪》中飾演嘅榮木桐,利用唔同手段達成目的,對輝哥來說都係一個挑戰,連監製王心慰都讚他發揮到角色嘅性格。他說:「角色亦正亦邪係有好大發揮,因為唔係我本身性格,今次可以過足戲癮。但接咗先發現有好多動作場面,好似泰國外景咁,要營救爸爸,搶錢救朋友等,又要同阿Ben、蕭正楠搏鬥,哈!打阿Ben好有樂趣,可以憑經驗真打,打到道具棍都斷埋。」

喺泰國拍外景時跟殺父仇人吳岱融埋身搏鬥。
喺泰國拍外景時跟殺父仇人吳岱融埋身搏鬥。
上月再憑電影《催眠.裁決》勇奪《2019第十一屆澳門國際電影節》「最佳男配角」獎。
上月再憑電影《催眠.裁決》勇奪《2019第十一屆澳門國際電影節》「最佳男配角」獎。

努力Keep住狀態
提到同黃金劇名好有緣,當年憑第二部擔正做男一嘅《黃金十年》爆紅,輝哥笑說:「嗰套劇係講年青人初出茅廬,𠵱家演事業有成,出人頭地嘅股壇大亨,感覺好似成長咗,前後呼應咁。(當年拍檔劉嘉玲、張衛健都仲係做緊主角喎!)有咁嘅成績,大家都得來不易,都要keep住最佳狀態,但奉勸年青人,唔好斤斤計較,努力做好件事,享受咗過程先,正如前輩話齋:『當你努力過,自會有回報,但唔好心急。』因為冇人知將來會點。」

月前獲《2019國影年度表彰盛典》「最優秀電影男演員獎項」。
月前獲《2019國影年度表彰盛典》「最優秀電影男演員獎項」。
張兆輝、胡杏兒即將合作拍新片《世紀風暴》。
張兆輝、胡杏兒即將合作拍新片《世紀風暴》。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd