首頁 即時娛樂

【頭條獨家】54歲前女神陪愛女買衫 柏安妮細女激似木村光希

21/01/2020 20:46:00
54歲前女神柏安妮的16歲細女(左)激似木村光希!
54歲前女神柏安妮的16歲細女(左)激似木村光希!

80年代混血女神柏安妮(Ann Bridgewater),27年前淡出娛樂圈後,專心照顧老公Calvin及兩個寶貝女之餘,更轉型做職業女強人,成為電子公司Playto的創辦人之一。早前趁周末,柏安妮陪16歲幼女去銅鑼灣掃平衫,錫到個女燶的她仲做埋「女僕」幫囡囡挽衫同鞋,不過重點請移去昔日女神身旁的少女,長得亭亭玉立的柏安妮細女跟同齡的「木村女」光希撞晒樣,直頭可以做「港版」的分身!採訪:梁志明

柏安妮兩母女好好感情,日前繞住手去銅鑼灣買衫。
柏安妮兩母女好好感情,日前繞住手去銅鑼灣買衫。
柏安妮的16歲細女眼圓圓、鼻高高,跟「木村女」光希有9成相似!
柏安妮的16歲細女眼圓圓、鼻高高,跟「木村女」光希有9成相似!

柏安妮於80至90年代初參演過不少電影,包括《開心樂園》、《為你鍾情》、《霸王花》等,93年拍畢電影《記得香蕉成熟時》後,她選擇於當紅之際淡出娛圈並重返校園,先後取得香港大學生物系、香港理工大學職業治療學系學位,廿多年來,除了曾任無印良品品牌經理外,又做過職業治療師、臨床心理學家,現時更是電子公司Playto創辦人之一!然而,早在大學畢業後,柏安妮已跟香港大學認識的男同學Calvin結婚,二人育有兩個囡囡。

廿四孝媽咪
息影多年,柏安妮前年罕有亮相無線財經資訊台節目《創科導航》,去年10月再為陳慧珊主持的香港開電視節目《放學後》任嘉賓,旋即成為熱話!而本月中,本報終於在銅鑼灣皇室堡發現柏安妮「真身」,當日下午4時許,她獨自於平民時裝店Pull & Bear行街,已經54歲的她始終不敵歲月摧殘,面容瘦削兼帶幾分憔悴。見柏安妮全程目無表情、繞晒手,似乎都冇乜心機睇嘢,原來這位「廿四孝媽咪」是來陪愛女買衫!

日本男神木村拓哉的次女光希都係16歲!
日本男神木村拓哉的次女光希都係16歲!
現年54歲的柏安妮狀態大不如前,一臉倦容。
現年54歲的柏安妮狀態大不如前,一臉倦容。

年輕人果然好熱血,孭住個大書包的囡囡,居然喺冬天單着一件黑色短袖Tee,條運動褲仲要摺到變五分褲,當日她主攻的亦是短袖衫,更特別鍾情貼身露腰款,她拎起一件間條Tee、一件芥末黃Tee,心大心細咁,但阿媽似乎想佢快啲下決定!不過重點都唔係揀乜款,而係柏安妮囡囡一轉身,正面竟與日本永遠男神木村拓哉的16歲次女光希(Koki)有9成似!現年16歲的柏安妮細女,正正與Koki同齡,真係Twins一樣!

乖女掃平貨
結果「港版Koki」兩款Tee都要晒,柏安妮就幫手「的」住兩件衫,讓對方繼續慢慢揀慢慢試,之後囡囡又睇中一對169蚊的全白波鞋,媽咪一點頭批准買,她都即刻依起棚牙笑晒,而柏安妮亦好自動波地接過一雙鞋,並默默挽住對鞋尾隨囡囡去Fitting。當囡囡試衫時,柏安妮又自己一個在店內周圍逛,不過都係幫個女揀衫居多,最後買了兩件Tee加一對波鞋,埋單500蚊都唔使,好抵!

細女拎起兩件Tee左度右度,柏安妮(右)見咁平就叫囡囡買晒佢!
細女拎起兩件Tee左度右度,柏安妮(右)見咁平就叫囡囡買晒佢!
為了讓囡囡輕鬆逛,「廿四孝媽咪」柏安妮(右)自動幫手拎住啲嘢。
為了讓囡囡輕鬆逛,「廿四孝媽咪」柏安妮(右)自動幫手拎住啲嘢。
囡囡試衫時,柏安妮繼續於店內幫對方揀衫。
囡囡試衫時,柏安妮繼續於店內幫對方揀衫。
去年10月,柏安妮難得應陳慧珊(右)邀請,為香港開電視節目《放學後》擔任嘉賓。
去年10月,柏安妮難得應陳慧珊(右)邀請,為香港開電視節目《放學後》擔任嘉賓。
93年淡出幕前後,柏安妮便下嫁丈夫Calvin(左)。
93年淡出幕前後,柏安妮便下嫁丈夫Calvin(左)。
柏安妮於婚後誕下兩名女兒,如今大女(中)和幼女(右)分別19歲及16歲。
柏安妮於婚後誕下兩名女兒,如今大女(中)和幼女(右)分別19歲及16歲。
80年代女神
80年代女神
擁英國、中國及馬來西亞血統的柏安妮,於80年代獲黃百鳴賞識,繼而展開了其電影生涯,曾參演的電影包括:張國榮主演的《為你鍾情》、周星馳和張學友主演的《咖哩辣椒》等。
擁英國、中國及馬來西亞血統的柏安妮,於80年代獲黃百鳴賞識,繼而展開了其電影生涯,曾參演的電影包括:張國榮主演的《為你鍾情》、周星馳和張學友主演的《咖哩辣椒》等。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd