首頁 即時娛樂

【頭條獨家】望成功增肥到100磅 姚子羚鼠年唔心急求姻緣

23/01/2020 19:30:00
子羚笑言新年期間睇《黃金有罪》最啱食「黃金滿屋」啦!
子羚笑言新年期間睇《黃金有罪》最啱食「黃金滿屋」啦!

近排忙於為新劇《黃金有罪》宣傳的姚子羚,新年總算有幾日假放,決定跟「雲來軒」行政總廚黃亞保學整賀年素菜「黃金滿屋」,到時跟家人朋友齊齊慶祝。講到新年願望,豬年劇接劇加上早前患過甲型流感,令子羚瘦到得番94磅,所以鼠年除了希望演到更多好角色,最想能夠增肥到100磅以上;講到姻緣她反而唔心急,只想搵到個孝順顧家,心地善良的有情人。撰文:杜淑霞 攝影:李權威 髮型:Taylor Wan@Hair Corner 化妝:Henry Li 服裝:MURUA@i.t、Dearbell2ling 場地:雲來軒

由於大廚保哥知道子羚為了不殺已食素3年,專登將「炒貴花翅」改為素食版用素翅代替。
由於大廚保哥知道子羚為了不殺已食素3年,專登將「炒貴花翅」改為素食版用素翅代替。
跟保哥學識拋鑊的子羚,覺得要將蛋炒成蛋米最考功夫。
跟保哥學識拋鑊的子羚,覺得要將蛋炒成蛋米最考功夫。


子羚好滿意豬年發展,工作排到密麻麻,不過正因太忙疏忽了身體,「19年所有重要節目都喺工作中度假,不過做呢行係值得感恩,但係因為之前兩套劇都係好需要體力,《唐人街》要打,《大步走》就跑,加上之前中咗甲型流感,瘦咗好多,嚟緊要調理番好身體,先可以努力搵錢。」

子羚大讚保哥教得好,令易中帶難的「黃金滿屋」順利完成。
子羚大讚保哥教得好,令易中帶難的「黃金滿屋」順利完成。
子羚開心在《黃金有罪》首度跟張兆輝和蕭正楠合作。
子羚開心在《黃金有罪》首度跟張兆輝和蕭正楠合作。


對象要孝順顧家
講到鼠年願望,子羚先為大家祝福,「希望所有人平安快樂,大家多啲正能量,世界減少多啲天災人禍。至於個人,就想新一年事業更上一層樓,同埋增肥成功,講完係會畀人打嘅,哈哈!有人話我食素後易瘦啲,但係我家姐食全齋,佢都幾豐滿,所以應該唔關事,我希望由𠵱家94磅增到102磅。」至於姻緣,子羚一切隨緣,「我唔會限住自己某個年紀結婚生小朋友,同埋呢樣嘢唔係你付出幾多努力就有幾多分收獲。」講到揀對象,子羚話會感覺行先,不過仲有少少要求,「孝順顧家好緊要,錫父母同屋企人,第時都會錫自己家庭,同埋要上進,唔係要搵好多錢,但有上進心係好,因為當有家庭又係另一樣嘢。」

去年子羚跟夜店董事Raymond Young拍拖八個月,更一度被指搶人夫。
去年子羚跟夜店董事Raymond Young拍拖八個月,更一度被指搶人夫。
去年患甲型流感前,子羚在馬爾代夫水着,身材仲有小小睇頭。
去年患甲型流感前,子羚在馬爾代夫水着,身材仲有小小睇頭。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd