首頁 即時娛樂

【頭條獨家】首合拍賀歲片勁啱Key 周秀娜陳靜遇真愛或閃婚

23/01/2020 23:00:00
兩大𡃁模始祖周秀娜(左)和陳靜首次合演賀歲片《家有囍事2020》。
兩大𡃁模始祖周秀娜(左)和陳靜首次合演賀歲片《家有囍事2020》。

兩大𡃁模始祖周秀娜(娜姐)和陳靜(DaDa)由寫真界鬥到去大銀幕!約10年前,兩人先後推出寫真集而被外界拿來比較,沒想到後來雙雙轉型拍電影,去年更各自殺入國際影展,成績不俗!今年,她們終於首度合演賀歲片《家有囍事2020》,背景相似的二人無所不談,原來DaDa一直好想跟娜姐合作,娜姐笑謂:「我哋嚟緊都諗住出寫真,係《家》片劇照寫真。」真係唔該晒!撰文:黎寶倫 攝影:李權威妝髮:Louisa(陳靜)、Amber Tse@IL Colpo Central(On Lan Street)& Circle Cheung@NDnCo.(周秀娜)服裝:SPORTMAX CODE(周秀娜)場地:The Stadium Bar & Restaurant(觀塘)

周秀娜(左)和陳靜均由模界轉型做演員,故特別明白雙方的感受。
周秀娜(左)和陳靜均由模界轉型做演員,故特別明白雙方的感受。
周秀娜認為「第一個感覺」好緊要,亦希望將來另一半會互相諒解及信任。
周秀娜認為「第一個感覺」好緊要,亦希望將來另一半會互相諒解及信任。

周秀娜與陳靜於賀歲片《家有囍事2020》中,飾演一對「老千姊妹花」,講到鬥身材鬥性感,片中「半裸」拍打戲的娜姐竟向DaDa笑說:「我哋要退落嚟喇!」皆因拍檔張繼聰爆晒肌,身材Fit到漏,其中一幕仲幾乎全裸上陣,搞到DaDa面都紅晒,DaDa說:「佢淨係遮咗可遮嘅地方,我都算閱歷無數,但嗰場戲要一路望住佢,好尷尬。」

互笠高帽
回想寫真年代,未知雙方對大家的印象如何呢?娜姐笑說:「我冇睇過佢本寫真,但喺新聞見到女仔都會想睇,當時覺得……塊面咁尖嘅?面細過我,唔鍾意!講笑啫,係吸引嘅!」並謂拍攝《家》片時,見DaDa穿貼身瑜伽衫,她都不禁望多兩眼,娜姐續道:「佢同我都幾相似,性格好爽、好勤力,仲好傻、好論盡。」而DaDa坦言有睇對方的寫真,大讚娜姐好聰明,更一直渴望跟對方合作,仲幻想過合演閨密。

自家姐生B後,成為家中支柱的陳靜好懷念被人照顧及保護的時光。
自家姐生B後,成為家中支柱的陳靜好懷念被人照顧及保護的時光。
(左起)張智霖、周秀娜、黃百鳴、陳靜與張繼聰合演賀歲片《家有囍事2020》。
(左起)張智霖、周秀娜、黃百鳴、陳靜與張繼聰合演賀歲片《家有囍事2020》。

星途相似的兩女特別投契,故DaDa也坦言大家心底裏都好明白對方,問傾乜最多?她們不約而同笑謂:「美容!仲有男仔!我哋都覺得Chilam(張智霖)好靚仔、皮膚又好。」Dry到人夫都唔放過,想必也恨桃花吧?娜姐搞笑道:「希望繼續單身!其實我嘅情路都好暢順,因為一路都冇乜人!」雖然現時有人追,但專注工作的她表示無暇拍拖,娜姐亦不諱言:「如果遇到啱嘅人,覺得可以過世咪結囉!」目前DaDa則有了解中的人,她盼另一半能包容自己的職業及有愛心,「我較抗拒圈中人,因為我想透過佢接觸多個世界,否則生活圈子同睇嘅嘢太窄,我都唔排除閃婚,始終30歲都開始要諗。」

陳靜於片中以性感瑜伽Look騷Fit爆身材,連周秀娜都讚索!
陳靜於片中以性感瑜伽Look騷Fit爆身材,連周秀娜都讚索!
其中一幕打鬥戲,周秀娜更僅穿底褲大騷玉背,非常養眼!
其中一幕打鬥戲,周秀娜更僅穿底褲大騷玉背,非常養眼!
周秀娜去年傳與余德丞(中)譜出姊弟戀,但她強調雙方是鄰居,對方似細佬多啲。
周秀娜去年傳與余德丞(中)譜出姊弟戀,但她強調雙方是鄰居,對方似細佬多啲。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd