首頁 即時娛樂

鍾健威情人節送禮玩另類 黃美棋收「廁紙花」勁開心

14/02/2020 17:47:00
不少藝人趁情人節於社交網放閃。
不少藝人趁情人節於社交網放閃。

今日情人節,不少星級情侶也趁機於社交網放閃,好似去年下嫁法籍老公Emmanuel Straschnov的陳法拉,剛才於Instagram(Ig)貼出照片,相中笑得勁燦爛的她手捧一大束鮮花,並寫道:「He didn't forget.」不少人都留言讚好Sweet。

黃美棋稱今年收到一束史上最強的情人節花,答案就是「廁紙花」。
黃美棋稱今年收到一束史上最強的情人節花,答案就是「廁紙花」。
鍾健威(左)都笑言:「估唔到廁紙都有用武之地。」
鍾健威(左)都笑言:「估唔到廁紙都有用武之地。」

然而,近日新冠肺炎(前名:武漢肺炎)於本港爆發,連日來市民都忙搶口罩和廁紙,林作今日則於Ig上載了一張「防疫花」圖,該束「花」內有消毒潔手液和口罩,相信港女們收到都好開心,看看黃美棋就知了,事關她亦獲男友鍾健威(Ray)贈送一紮「另類花」!美棋BB說:「史上最強情人節花束——廁紙花,仲要有我成個人咁高,我想講佢竟然諗到用之前買落嘅廁紙放上盞燈到……自製呢個又實用又香嘅花,係真係好驚喜,Thank you so much!!!! 祝大家情人節快樂。」

陳法拉收到老公送的鮮花,好開心!
陳法拉收到老公送的鮮花,好開心!
陳法拉去年下嫁法籍老公Emmanuel Straschnov(左)。
陳法拉去年下嫁法籍老公Emmanuel Straschnov(左)。

事後Ray也於Ig開心Share「送禮片」並留言:「情人節不用銀紙堆砌,有廁紙都一樣好實際!原諒我浮誇嘅擺手同演譯,Happy Valentine's Day!#廁紙拜託不用搶 #兩個月前減價入定貨 #估唔到廁紙都有用武之地」見美棋BB笑到見牙唔見眼,呢個情人節驚喜真係經濟又實惠!

林作稱準備了這份情人節禮物。
林作稱準備了這份情人節禮物。
不過林作「脫單」喇咩?
不過林作「脫單」喇咩?
其他文章
hd