首頁 即時娛樂

商台員工放無薪假 森美︰保到同事唔使被炒係好事

21/02/2020 18:47:00
因為配合公司放無薪假,部份由他同小儀主持的節目《早霸王》要錄音,圖為之前跟翟威廉、周志文、周志康做訪問。
因為配合公司放無薪假,部份由他同小儀主持的節目《早霸王》要錄音,圖為之前跟翟威廉、周志文、周志康做訪問。

肺炎肆虐,本港市道受到衝擊,多個行業均有打工仔被逼打折出糧、放無薪假。商台因為廣告收入大減,今日商台公布:有鑑於目前社會情況及疫情持續,本台在不影響廣播服務的大前提下,正與員工作出無薪假期的安排。商業電台會一如既往堅守崗位,服務全港市民,與香港人共渡時艱。

喺公司特別安排下,商台DJ森美當然減收入少,他回應本報時表示︰「咪放吓假囉,自己公關公司大半年都冇收入,都知𠵱家係辛苦嘅,希望商台放無薪假呢個方法可以減少炒人囉,喺艱難時間,同事無咗份工就好難生活,所以希望大家一齊努力過咗呢個艱難時期。」森美話,為咗盡量令個節目影響到最低,部份應該會錄播,希望聽眾唔發覺。問到豈非變相加「辛」?森美說︰「冇計㗎啦,盡力啦!希望公司記住我哋共同一齊捱,同步過冬,將來賺到錢分返畀大家。最主要都係,盡量唔好炒人,因為人人都需要一份工,香港嚟緊啲經濟都會係差,起碼都會差一年半載,無論識唔識嘅同事都好,保得一個得一個都係好事,真係唔理咁多囉!我冇計算自己人工會少咗幾多呀。因近排忙搞疫情同父母嘢。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd