首頁 即時娛樂

同敏之山聰飲酒慶生 伍詠薇無懼交叉感染送肉嘴

25/02/2020 14:10:00
伍詠薇日前與好友飲酒食飯慶祝51歲生日。
伍詠薇日前與好友飲酒食飯慶祝51歲生日。

昨日(24日)是伍詠薇(伍姑娘)的51歲生日,雖然本港新冠肺炎(前名武漢肺炎)疫情漸趨嚴重,但伍姑娘一於少理,照舊約Friend食生日飯,繼日前冒住「霧化傳染」危機,唔怕變「邊爐家族2.0」同朋友食火鍋後,她再跟契妹陳敏之和契細佬陳山聰一齊飲Sake短聚,同場仲有老公練海棠、山聰大肚妻Apple等。

眾人忽然捧出蛋糕,為伍詠薇送上驚喜。
眾人忽然捧出蛋糕,為伍詠薇送上驚喜。
伍詠薇開心到即刻錫陳敏之和陳山聰夫婦面珠。
伍詠薇開心到即刻錫陳敏之和陳山聰夫婦面珠。

今日敏之則於社交網上載合照及短片,與網友分享當日的開心Moment,片中,眾人向壽星女驚喜送上「大口仔蛋糕」,令伍姑娘開心到唱歌,仲即刻錫咗敏之、山聰和Apple面珠兩啖;幾杯落肚後,飲到面紅紅的伍姑娘再High爆跟敏之、山聰「無限kissy kissy kissy kissy,再來兩輪kiss」,相信大家都好盡興吓!不過𠵱家非常時期,見到佢哋咁親密「咀嘴」都咪話唔驚,奉勸各位都係小心啲好!

幾杯落肚後,伍詠薇仲先後同陳敏之和陳山聰咀嘴。
幾杯落肚後,伍詠薇仲先後同陳敏之和陳山聰咀嘴。
契妹陳敏之(右)和契細佬陳山聰(左)為伍詠薇慶生。
契妹陳敏之(右)和契細佬陳山聰(左)為伍詠薇慶生。

伍詠薇老公練海棠都在場。
伍詠薇老公練海棠都在場。
眾人無懼新冠肺炎,相約飲酒食飯,連陳山聰的大肚妻Apple(左)也有出席。
眾人無懼新冠肺炎,相約飲酒食飯,連陳山聰的大肚妻Apple(左)也有出席。
其他文章
hd