首頁 即時娛樂

【頭條獨家】唔怕播毒 疫情下鬧市拍劇 江嘉敏撩人傾偈噴口水花

27/02/2020 21:00:00
攬頭攬頸

其中有個場口江嘉敏要搭住衛志豪膊頭做對手戲。
攬頭攬頸 其中有個場口江嘉敏要搭住衛志豪膊頭做對手戲。

新冠肺炎疫情擴大,每日仍有新增確診個案,全港市民加緊防疫,喺非常時期,拍攝中的TVB劇集經已盡量取消鬧市外景,以減低感染病毒風險,而且讓演員有10小時休息提高戰鬥力。不過有時避無可避,日前傍晚,何廣沛、江嘉敏、郭子豪等現身新蒲崗康強街拍新劇《食腦喪B》外景,冇戴口罩嘅江嘉敏變得好Free,戲外雖然手持杯型空氣清新機防疫,但大癲大肺的她就冇乜避忌,周圍撩人吹水狂噴口水花!更不時撥弄頭髮,手指掂到隻眼呀!反觀何廣沛唔使埋位就嗱嗱聲戴返番個口罩,行埋一邊避開人群,兩人一動一靜相映成趣。採訪:方騫平 攝影:張詠森

貪靚出事 但,江嘉敏不時撥弄頭髮,手指掂到隻眼喎。
貪靚出事 但,江嘉敏不時撥弄頭髮,手指掂到隻眼喎。
避開人群

何解戴住口罩嘅何廣沛憂心忡忡咁企埋一邊呢?唔通係掛住朱晨麗?
避開人群 何解戴住口罩嘅何廣沛憂心忡忡咁企埋一邊呢?唔通係掛住朱晨麗?

吳冠宇監製嘅TVB科幻喜劇《食腦喪B》日前喺康強街一間舊式士多門外取景,劇情講何廣沛第一次邂逅江嘉敏,還誤會她跟衛志豪鬧分手,其實衛志豪只係私家偵探,其中江嘉敏要同衛志豪攬頭攬頸做對手戲,雖然江嘉敏有防疫意識,用手掂牆壁前先喺牆壁噴消毒酒精,但拍攝期間,就貫徹TVB「三大喇叭」作風周圍撩台前幕後吹水,有講有笑,仲入埋士多睇播放中嘅《大醬園》,鬼咁風騷,連途人都用好嘈嗰個來形容她。表現同戴住口罩、冇乜聲氣嘅何廣沛好唔同。

對同事有信心
有專家曾提過,單係搭住膊頭咁近距離接觸,足可以「交換口水」!對此,江嘉敏輕鬆地說:「放心,我哋都冇病!因為公司實施量體溫措施,有病唔好返工,而且我買咗手提空氣清新機。其實都冇得避,始終觀眾要keep住睇電視,我哋都要keep住開工,拍戲一定要除口罩,唔好整花妝容。而且放飯都要去食飯㗎啦,又唔太擔心,點睇都唔似有病喎!」問她喺疫情下,同男友係咪少咗親熱?她哈哈大笑說:「呢排又外景又廠景都好少見面,一齊食飯都少咗講嘢,唔好飛沫傳播。」

力捧自己 江嘉敏埋位前不忘捧吓自己場睇《大醬園》。
力捧自己 江嘉敏埋位前不忘捧吓自己場睇《大醬園》。
補妝埋位

除低口罩,何廣沛埋位前先要勞煩化妝同事補妝。
補妝埋位 除低口罩,何廣沛埋位前先要勞煩化妝同事補妝。

預告新劇玩SM
提到她在熱播劇《大醬園》中演心地善良嘅「高雙雙」獲讚,人氣急升,網民最睇唔過眼她被督軍張國強「鹹豬手」摸pat pat,她笑說:「係劇情需要,KK係個好好前輩,嗰次係第一次做咁激烈嘅戲份,唔知係咪反應太好,所以呢套戲keep住有,我會畀張彥博…SM,賣個關子,只係爆住咁多先,不過,連男友都取笑我做咗御用(性)幻想對象。」

何廣沛掛住朱晨麗
至於看似憂心忡忡的何廣沛強調唔係擔心疫情下開工,他說:「都冇得擔心,其實經已少咗外景,新蒲崗人流都唔算多嘅,戲外咪盡量戴番個口罩,真係要麻煩化妝同事補妝喇!」問他係咪掛住相隔兩地的緋聞女友朱晨麗?何廣沛坦言:「咁正常朋友都掛嘅,始終《大醬園》去到結局篇,因為疫情,大家都冇得聚首一堂,係有啲可惜,唯有留家各自睇戲啦。」提到內地疫情仍然嚴重,何廣沛就話唔怕,還好了解朱朱近況,「佢仲喺杭州家鄉,但好少出街,希望佢good luck。」今周《大醬園》結局篇講到何廣沛糾纏朱晨麗和傅嘉莉之間,何廣沛最怕觀眾接受唔到這個三角關係,「因為大家好入戲,外間反應好接受楓少同小滿一對,點知楓少洞房後第二朝經已失咗蹤,返到嚟變咗另一個人布平安,仲多咗個第三者,希望觀眾心臟夠強大啲面對啦!」提到被指因為朱晨麗,「死敵」龔嘉欣喺社交網站停止關注他,何廣沛回應話唔多清楚,總之在群組內兩人有偈傾,同埋入行多年,他都堅持不理是非及爭鬥。

高潮迭起 《大醬園》結局篇何廣沛以「布平安」身份同「利小姐」傅嘉莉回歸,原配夫人「小滿」朱朱好慘呀!
高潮迭起 《大醬園》結局篇何廣沛以「布平安」身份同「利小姐」傅嘉莉回歸,原配夫人「小滿」朱朱好慘呀!
減少社交

江嘉敏坦承喺疫情下,少咗同男友Anthony接觸,連食飯都少咗交談。
減少社交 江嘉敏坦承喺疫情下,少咗同男友Anthony接觸,連食飯都少咗交談。
踩車演出 劇情講江嘉敏係街坊,會踩單車代步。
踩車演出 劇情講江嘉敏係街坊,會踩單車代步。
鬧市拍劇

何廣沛、江嘉敏喺新蒲崗鬧市拍外景,劇情要廣沛咬住枝棍仔糖出場。
鬧市拍劇 何廣沛、江嘉敏喺新蒲崗鬧市拍外景,劇情要廣沛咬住枝棍仔糖出場。
鴛鴦戲水 《大醬園》中,何廣沛同朱晨麗一場瀑布出浴戲成為焦點。
鴛鴦戲水 《大醬園》中,何廣沛同朱晨麗一場瀑布出浴戲成為焦點。
演技受讚

江嘉敏喺《大醬園》「高雙雙」一角被指有天使心腸,仲為咗愛郎「萬卓楠」黃嘉諾喊爆,都幾考演技。
演技受讚 江嘉敏喺《大醬園》「高雙雙」一角被指有天使心腸,仲為咗愛郎「萬卓楠」黃嘉諾喊爆,都幾考演技。
其他文章
hd