首頁 即時娛樂

【頭條獨家】神隱兩周 愁樣現身 袁詠儀憔悴帶魔童睇醫生

09/03/2020 23:30:00
神隱兩周後,袁詠儀上周一愁樣現身中環,帶囝囝魔童睇醫生。
神隱兩周後,袁詠儀上周一愁樣現身中環,帶囝囝魔童睇醫生。

張智霖(Chilam)早前因出席一個私人飯局而遭網民圍剿,就連太太袁詠儀(靚靚)和兒子張慕童(魔童)都不能倖免,搞到夫婦倆都不敢再於社交網「露面」!神隱兩星期,靚靚上周一(2日)終於蒲頭到中環食Lunch,其間見她脫下口罩後,一臉蒼白甚為憔悴,仲一邊大啖食一邊講電話,講到肉緊時仲翻晒白眼!之後,靚靚又會合魔童去附近睇醫生,估唔到張氏一家咁黑仔,連囝囝都病埋!採訪:李維隆

靚靚會合囝囝魔童去睇醫生,病咗嘅魔童睇落都冇咁精靈。
靚靚會合囝囝魔童去睇醫生,病咗嘅魔童睇落都冇咁精靈。
食Lunch期間,靚靚拎住手機講不停,仲講到翻晒白眼。
食Lunch期間,靚靚拎住手機講不停,仲講到翻晒白眼。

張智霖上月跟成龍、曾志偉、譚詠麟等出席一個飯局後,惹來大批網民不滿並洗版式狂轟,更連累太太袁詠儀和兒子張慕童的Instagram(Ig)被攻擊,見有人留言同囝囝講:「對你爸爸好失望。」護子心切的靚靚都忍唔住回覆:「小朋友沒有做任何錯的事,可否不要這樣對小朋友嗎?謝謝。」本來以為大家會高抬貴手,事件告一段落,未料卻引發更多批評。是非纏身的靚靚,近兩星期冇Update過Ig,前日終於趁三八婦女節貼出一張近照。

抗疫做到足
上周一下午約2點45分,靚靚獨自現身中環Landmark cafe食飯,未知是否擔心感染新冠肺炎,她都高度戒備,刻意揀坐一二角避開人群,其間脫下口罩的靚靚沒有化妝,一臉憔悴,仲不顧儀態擘大個口大啖食,之後,她又拎出手機邊食邊覆Message,唔知同電話中人講緊咩呢?靚靚講到一時皺晒眉頭,一時又翻晒白眼咁,睇嚟都幾煩惱。食飽後,她便從信封中取出口罩,蒙好面後再叫埋單,為免雙手掂到啲污糟錢,靚靚亦選擇碌卡找數。

估計靚靚好肚餓,完全旁若無人地擘大個口鯨吞食物。
估計靚靚好肚餓,完全旁若無人地擘大個口鯨吞食物。
靚靚食完飯,即刻從信封取回口罩戴上。
靚靚食完飯,即刻從信封取回口罩戴上。

魔童睇醫生
隨後,靚靚抽住個大紙袋走出門口,在街頭等了約10分鐘,7人車終於駛至,不過她並非打算乘座駕離開,而是接埋囝囝魔童和傭人,行到去附近的中建大廈睇醫生,見魔童戴上口罩、頭髮凌亂,睇落冇平時咁精靈,唔知係咪咁唔好彩病咗嘞!最後等足兩個鐘都唔見人,相信三人應該發現了記者,故特意從另一個出口離開。

靚靚拎住個大紙袋等車,其間仍不停撳手機。
靚靚拎住個大紙袋等車,其間仍不停撳手機。
將戰利品放上車後,靚靚便帶魔童及傭人行去中建大廈。
將戰利品放上車後,靚靚便帶魔童及傭人行去中建大廈。
3人入咗大廈兩個鐘都不見影,估計從另外出口離開了。
3人入咗大廈兩個鐘都不見影,估計從另外出口離開了。
Chilam上月因出席一個飯局而遭網民砲轟,連靚靚和兒子魔童都受牽連。
Chilam上月因出席一個飯局而遭網民砲轟,連靚靚和兒子魔童都受牽連。
上月8日,靚靚仍於社交網晒慶祝結婚19周年的甜蜜照。
上月8日,靚靚仍於社交網晒慶祝結婚19周年的甜蜜照。
魔童間中都有Update Ig,但因遭受惡言攻擊而狂刪Po。
魔童間中都有Update Ig,但因遭受惡言攻擊而狂刪Po。
事發後,張氏夫婦甚少更新社交網,Chilam最後一次貼出的太陽照已是上月底嘅事。
事發後,張氏夫婦甚少更新社交網,Chilam最後一次貼出的太陽照已是上月底嘅事。
而靚靚就好低調地於婦女節貼出背影照。
而靚靚就好低調地於婦女節貼出背影照。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd