首頁 即時娛樂

【頭條獨家】唔慣同李施嬅談情 海俊傑靠太太製造機會

19/03/2020 17:56:00
海仔話近排開工拍劇,亦會做足防疫措施。
海仔話近排開工拍劇,亦會做足防疫措施。

相隔20年,海俊傑重返娘家演出收視劇《法證先鋒IV》演聲紋專家「施見賢」,太耐冇拍港劇,海仔都話最初好唔慣,特別是工作時間比內地劇較長,不過他笑言最唔適應反而是拍談情戲,更指跟劇中女友李施嬅合作會緊張,竟然要他太太出手叫兩人情人節撐枱腳培養感情,難怪兩人最近首度合唱新歌《二次緣》時會特別合拍啦!撰文:杜淑霞 攝影:梁志明 服裝:DEGAIA

劇中海仔演的聲紋專家「施見賢」,會狂追法醫「Dr. Man 」。
劇中海仔演的聲紋專家「施見賢」,會狂追法醫「Dr. Man 」。
17年,海仔與拍拖5年的化妝師莫家慈(Effie)結婚。
17年,海仔與拍拖5年的化妝師莫家慈(Effie)結婚。


海仔笑言在內地發展時嘆慣,每日都準時收工,所以最初拍《法證》時好唔適應,好彩一班對手都好幫手,特別是黃浩然,「多謝浩然有場屋企戲,我個腦已經實晒,嗰日啲對白又難,佢見我拍到暈暈哋,就叫我出去唞唞氣,困獸鬥咁好多個鐘頭,真係會講唔到㗎!」

海仔在《二次緣》的MV中,再次發揮演技。
海仔在《二次緣》的MV中,再次發揮演技。
海仔和李施嬅合唱新歌《二次緣》,MV好有戲劇性。
海仔和李施嬅合唱新歌《二次緣》,MV好有戲劇性。


新歌難宣傳
不過講到最唔習慣,海仔竟然是拍住李施嬅會緊張,「我近年喺內地好多時做殺手、英雄、好cool嘅賭王賭神、或者揸槍好Chok嗰啲,真係好似好耐冇談情,同太太又老夫老妻,追女仔嗰啲唔係太記得,真係唔記得咗點樣拍拖,所以施嬅成日叫我放鬆啲,唔好咁緊張。」極之信任海仔的海太莫家慈(Effie),更鼓勵他約施嬅情人節去拍拖,認為夠膽,「舊年情人節我同施嬅拍緊呢套劇,嗰日早收工,施嬅順路車埋我過海,咁啱太太搵我,因為佢喺內地做緊嘢,仲話如果施嬅嗰日冇街去,叫我哋去拍吓拖喎!哈哈!得談笑,當然冇實行啦!(證明太太好信你?)冇啦!我仲會出去識女仔咩。」

講到跟施嬅初次合唱新歌《二次緣》,海仔話估唔到拍檔咁唱得又勤力,但可惜因疫情唔能夠周圍宣傳,「首歌其實仲有國語版,或者等疫情過去,我哋再返內地宣傳,𠵱家最緊要大家都安全。」

早前海仔聯同公司的師弟妹,一齊落區派口罩。
早前海仔聯同公司的師弟妹,一齊落區派口罩。
其他文章
hd