首頁 即時娛樂

【頭條獨家】拍檔女友同行唔敢溝女 黎學勤投訴莫竣名推莊

26/03/2020 19:22:00
Jeffery和MCM合作多次已變得好熟絡,互相爆吓料都好正常。
Jeffery和MCM合作多次已變得好熟絡,互相爆吓料都好正常。

黎學勤(Jeffery)和莫竣名(MCM)兩個廣告男神,繼主持ViuTV《一路向西伯利亞》奉旨冧盡多國美女後,早前轉戰馬來西亞的檳城再拍《飛檳吧!男神》,今次新挑戰要經營間海邊旅館,其間當然不忘溝吓女,但由於MCM女友同行,所以幫靚女搽太陽油呢啲動作即時推晒畀Jeffery做,搞到女友陪到場訪問的Jeffery要即場利申,大向記者投訴。採訪:杜淑霞 服裝:FILA、D-mop(黎學勤) 場地:Comma Party

Jeffery有女友Yammi 在場,講嘢梗係小心啲嘅。
Jeffery有女友Yammi 在場,講嘢梗係小心啲嘅。
就係呢幕搽太陽油,搞到Jeffery要講清楚背後委屈。
就係呢幕搽太陽油,搞到Jeffery要講清楚背後委屈。


今次節目組要求Jeffery和MCM經營一間有7間房最多可以住14人的旅館,每天賺到2000港元,但他們認為是不可能的任務。Jeffery說:「隔離啲酒店又新又靚,就算我哋他們減價促銷、當街兜客,拍咗兩星期都係得一日叫做賺錢咋!」MCM再補充,「當地一支啤酒先賣30港元,根本係不可能的任務,唯一成功嘅一日就係舉辦類似Speed Dating形式嘅Ladies'Night。」

兩人話旅館本身有員工打理,但全部當佢哋透明,唯有自己落手做。
兩人話旅館本身有員工打理,但全部當佢哋透明,唯有自己落手做。
兩人做苦力賺錢,成為這次旅程的重點。
兩人做苦力賺錢,成為這次旅程的重點。


做苦力幫補
旅館搵唔到錢,兩人唯有做小販及去劈棕櫚樹等苦力工作賺外快幫補,Jeffery大呻:「但係我哋成日出發前先知去邊,唔好話準備,連裝備同着嘅衫都唔啱㗎!」雖然搵錢辛苦,但兩人擺明繼續有不少溝女機會,他們都大讚馬來西亞女生熱情漂亮,加上語言相通,較《西伯利亞》的嘉賓更易溝通。不過講到好艷福,MCM竟然話:「其實真係有啲驚,啲女仔有時會好主動,所以都驚會中伏㗎!」講到這個話題,Jeffery即時好激動投訴,「仲好講你將搽太陽油嗰啲推晒畀我做,因為佢女朋友嚟咗陪佢,佢仲同女友去埋慶祝生日𠻹!」追問Jeffery係咪怕女友嬲,他即時尷尬話:「唔係,其實女友今日都有嚟。」原來模特兒女友林洛鍶(Yammi)就坐在後面,唔怪之得咁緊張要利申啦!

旅館酒吧搞Ladies
旅館酒吧搞Ladies'Night活動,身為老闆當然要招呼客人啦!
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd