首頁 即時娛樂

【頭條獨家】貽興狂鬧 轟滯留秘魯港女被圍插 項明生笑言絕冇留言讚自己

31/03/2020 20:56:00
項明生同王貽興本身無仇無怨,卻因秘魯港人S小姐而展開罵戰。
項明生同王貽興本身無仇無怨,卻因秘魯港人S小姐而展開罵戰。

滯留秘魯港人S小姐向傳媒求助,抱怨隔離期間旅舍膳食太差,旅遊達人項明生(James)睇唔過眼在網上平台批評「明知外有毒,偏向病毒行」。批評風波愈滾愈大,作家王貽興更在社交網站發帖狂鬧,怒插項明生斷章取義抹黑S小姐。同王貽興從沒積怨的項明生被辣㷫,「我諗有人宅喺屋企要有存在感,呃啲like返嚟。」對於在FB專頁留言讚自己被cap圖瘋傳,James強調無做過,「點會自己同自己講嘢咁好笑?」採訪:方騫平

以事論事 項明生強調批評「港女事件」只係以事論事,唔涉及政治,唔好混為一談。
以事論事 項明生強調批評「港女事件」只係以事論事,唔涉及政治,唔好混為一談。
出post自讚

網民發現項明生在fb專頁中留言讚自己「鬧得好寫得好」,當事人強調無做過,更暗示係P圖,總之唔關佢事。
出post自讚 網民發現項明生在fb專頁中留言讚自己「鬧得好寫得好」,當事人強調無做過,更暗示係P圖,總之唔關佢事。

對於今次突然成為箭靶,項明生堅持以事論事,絕不後悔!他說:「我覺得有啲人將好簡單嘅事套入政治立場,原先只係話個女仔食得鹹魚抵得渴,去旅行預咗有啲咁嘅狀況,呢啲自己解決啦!你點解要係咁埋怨,怨天尤人?王貽興就對號入座,加入政治色彩鬥爭,咁樣會令到社會好撕裂,我覺得唔同政治立場唔係勢不兩立嘅,做人要講道理,講邏輯、講思維。我同王貽興無怨無仇,淨係喺書展見到面會打兩個招呼,大家完全係無接觸,我唔知點解佢突然用啲好人生攻擊嘅嘢,喺佢個fb寫埋粗口攻擊我,我諗有人要有存在感,想搵啲眼球,呃啲like返嚟,可能呢個時候啲人宅喺屋企悶得滯啩。」

無喺墨西哥掃口罩
被王貽興指責「有口話人」的項明生在今年二月疫情開始嚴峻下繼續出發去日本旅行,又指他於墨西哥旅行時,掃晒當地口罩及消毒用品,之後放上網呃Like。James解釋去日本係為和歌山觀光局工作,履行工作合約。同時,他沒有狂掃口罩:「我帶團友喺一月尾去墨西哥,當時嗰度一單確診都冇,每個團友淨係買到5個口罩,搓手液每人3枝,包括我在內,其實好多香港人都喺海外買口罩啦。因為我同所有團友嘅物資一齊影咗張相,啲人以為我好多貨。」

無仇無怨 王貽興同項明生無仇無怨,對被王貽興開Post大鬧一頭問號。
無仇無怨 王貽興同項明生無仇無怨,對被王貽興開Post大鬧一頭問號。
重火藥味

王貽興出post咬住項明生唔放,好重火藥味。
重火藥味 王貽興出post咬住項明生唔放,好重火藥味。

無自己同自己講嘢
對於有網民發現他喺自己的fb專頁留言讚自己「鬧得好寫得好」,James帶笑回應:「我唔知張相喺邊度嚟㗎喎,我又冇自問自答,𠵱家網絡上面有好多PS、好多騙案,啲人就以訛傳訛,我可以講,我從來冇自問自答,點會自己同自己講嘢?我覺得好好笑,得啖笑,今朝笑咗好耐呀!哈!我真係覺得好好笑呀,點都好啦,新冠肺炎全球大流行,𠵱家大家好需要正能量嚟抗疫!反正外遊工作被迫煞停,留港空檔則用嚟做善事,之前我落咗深水埗同明哥派咗300個飯盒畀露宿者,我仲捐咗300個fans送嘅口罩畀佢哋,反正我都夠口罩用,希望人人有罩用,齊心來抗疫。」

提早拍攝被讚有腦
James表示,喺2月尾,眼見鑽石公主號確診數字係咁升,覺得當中會有好多變數,所以提議去日本的拍攝工作改早半個月,免得夜長夢多:「最後連和歌山觀光局都讚我勁,有先見之明知道會封城,其實我純粹係猜測,因為我鍾意日本,知道日本決策要穩陣,往往會慢幾拍。由於和歌山唔係大城市,而且今次主要深入冇乜人到嘅秘境,其中去咗天滿宮、東召宮睇梅花,兩個神宮都冇人,相對和歌山冇大城市氣氛咁緊張,較重災區北海道較安全。我又喺德川家康嘅城堡扮成將軍,寫繪馬為香港祈禱,仲好好彩喺鄉下地方僅用正價100日圓(約7元港幣)買到最後一包粉紅色小童口罩。」

秘魯旅遊 項明生曾到秘魯旅遊,更在名勝馬丘比丘打過卡。
秘魯旅遊 項明生曾到秘魯旅遊,更在名勝馬丘比丘打過卡。
一場誤會

之前項明生喺fb放相,相中有大量來自古巴及墨西哥的口罩、搓手液及酒精紙巾,被轟掃晒人哋抗疫物資,項明生就話係一場誤會。
一場誤會 之前項明生喺fb放相,相中有大量來自古巴及墨西哥的口罩、搓手液及酒精紙巾,被轟掃晒人哋抗疫物資,項明生就話係一場誤會。
落區派罩 因疫情少咗工作,項明生跟明哥落深水埗派口罩及飯盒畀露宿者。
落區派罩 因疫情少咗工作,項明生跟明哥落深水埗派口罩及飯盒畀露宿者。
為港祈禱

疫情影響全球,項明生寫繪馬為香港祈禱。
為港祈禱 疫情影響全球,項明生寫繪馬為香港祈禱。
正價買罩 成功撲到正價小童口罩,雖然自己唔啱使但可以轉贈畀朋友。
正價買罩 成功撲到正價小童口罩,雖然自己唔啱使但可以轉贈畀朋友。
暫停外遊

因為好多海外工作及旅行團都取消咗,未來半年都唔使坐飛機周圍去。
暫停外遊 因為好多海外工作及旅行團都取消咗,未來半年都唔使坐飛機周圍去。
坐古董車 之前他坐古董車遊古巴首都夏灣拿。
坐古董車 之前他坐古董車遊古巴首都夏灣拿。
嚴陣以待

之前他帶團到墨西哥及古巴,因疫情關係巴西海關嚴陣以待。
嚴陣以待 之前他帶團到墨西哥及古巴,因疫情關係巴西海關嚴陣以待。
其他文章
hd