首頁 即時娛樂

【頭條獨家】鄰居確診新冠肺炎嚇親 薛家燕70大壽屋企閉關

02/04/2020 21:00:00
當紅壽星

低調過70歲生日,「閉關」家燕姐一樣咁開心。
當紅壽星 低調過70歲生日,「閉關」家燕姐一樣咁開心。

本周一是薛家燕的70歲大壽,家住半山羅便臣道豪宅的壽星因為同座單位有人確診新冠肺炎,並由救護車送往醫院,因為有機會同Lift出入,嚇親的家燕姐自我隔離兩日,直至正日生日下午才冒險外出走一轉。而家燕姐原本安排於29日設宴與粉絲、學生及朋友慶祝生日,但疫情關係早已改期。不過,家燕咁有人緣,呢個70歲大壽依然精彩。採訪:方騫平

薛家燕居於疫廈坦言心慌慌,男友知道後亦非常擔心,第一時間叫她唔好外出,留喺屋企最安全:「大廈即時進行大消毒,每隔一個小時再例行消毒一次。其實我唔清楚確診病人住喺邊個單位,但好大機會用過同一部lift出入,加上歐美回港學生感染群組,同埋之前何雁詩曾一度懷疑中招,我同佢未婚夫鄭俊弘啱啱拍過嘢,所以都驚埋一份。」

神秘慶生 本周一家燕姐正日生日,工作人員在家燕媽媽藝術中心為壽星搞咗個得幾個人的神秘生日會。
神秘慶生 本周一家燕姐正日生日,工作人員在家燕媽媽藝術中心為壽星搞咗個得幾個人的神秘生日會。
精美畫冊

演唱會老閭Simon送了一份特別的生日禮物畀家燕姐,就係落重本製作的演唱會畫冊。
精美畫冊 演唱會老閭Simon送了一份特別的生日禮物畀家燕姐,就係落重本製作的演唱會畫冊。

仔女秘製祝壽視頻

家燕姐愈諗愈驚,「為人為己,我好有公德心,唔想畀人感染,亦唔想傳染人,都係小心保重,最緊要健康,決定自我隔離。上周六本來要返新城電台做節目,但都改做phone in,得返主持人范振鋒及思敏留守直播室。另外又同TVB《流行經典50年》監製提出停廠要求,直至4月8號復工,始終疫情肆虐,嘉賓唔戴口罩出鏡都好高危。」 疫廈大消毒後,家燕姐估計病毒會幾日後消失,所以喺正日生日,一身紅噹噹返公司一陣。她說:「原先喺家燕媽媽藝術中心搞咗個生日會都被取消,不過,好多家長因為訂咗蛋糕同鮮花畀我,所以我要返去收禮物。今年生日過得相當特別,雖然『閉關』留守喺屋企同囝囝石耀庭(Jackson)新抱陳素怡(Zoe)及細女石耀珠低調食生日飯,但身在美國工作嘅大女石祐珊不忘視像同我過生日,兼且送上驚喜,原來佢哋靜靜雞邀請咗親友、親家、鐵粉、圈中好友任達華、張智霖、陳展鵬及陳煒等拍視頻同我賀壽,當然唔少得搵埋男朋友啦!」

Q版禮物 Q版家燕姐都係生日禮物,好搞笑。
Q版禮物 Q版家燕姐都係生日禮物,好搞笑。
群星祝壽

陳展鵬同任達華都有拍片祝賀家燕姐生日快樂。
群星祝壽 陳展鵬同任達華都有拍片祝賀家燕姐生日快樂。

體諒男友內地工作
不過家燕姐強調男友賀壽片段絕不會公開,「哈!佢呢段片我會私有化,唔公開!所有親友每一句賀詞,都令我感覺好幸福同溫暖,雖然今年因為疫情冇大排筵席,亦係自96年復出以嚟第一次冇設宴,但又有另一番感覺,係一個好有愛嘅生日,相當感動,依然精彩,尤其係生日嗰日,美國返嚟嘅細女啱啱完成14日家居隔離出關,兩母女第一次相見,好溫馨!有呢啲仔女同媳婦,好榮幸及安慰。而演唱會老閭Simon更加趕製咗本畫冊畀我,做得好靚。」她又表示,因為中港兩地都要隔離14日,男友在內地工作未能返港跟她祝壽,她好體諒:「咁𠵱家搭飛機都好高危,喺疫情下我哋互相關心同擔心,佢都好無奈咁Message我:『希望疫情快啲過,我哋可以見面!』呢個都係我生日願望,因為呢次係全球嘅事,人生第一次面對嘅嘢,大家都唔開心。」

小心防疫 由於居所成為疫廈,家燕姐出入都做足消毒小心防疫。
小心防疫 由於居所成為疫廈,家燕姐出入都做足消毒小心防疫。
停廠避疫

停廠前曾跟鄭俊弘、譚嘉儀及趙慧珊等錄影《流行經典50年》。
停廠避疫 停廠前曾跟鄭俊弘、譚嘉儀及趙慧珊等錄影《流行經典50年》。
學生歡聚 過往家燕姐生日一定會跟藝術中心學生及家長歡聚,今年因疫情取消了生日會。
學生歡聚 過往家燕姐生日一定會跟藝術中心學生及家長歡聚,今年因疫情取消了生日會。
大排筳席

由復出後年年生日都大排筳席,家燕姐開心笑不停。
大排筳席 由復出後年年生日都大排筳席,家燕姐開心笑不停。
隔離工作 上周六,家燕姐本來要返電台做節目,之後都改做phone in,直播室只有主持人范振鋒及思敏。
隔離工作 上周六,家燕姐本來要返電台做節目,之後都改做phone in,直播室只有主持人范振鋒及思敏。
其他文章
hd