首頁 即時娛樂

【18禁】直播爆老公唔打X機 吳若希語出驚人嚇窒林盛斌

03/04/2020 14:28:00
吳若希前晚直播語出驚人,嚇窒獲邀加入傾偈的Bob。
吳若希前晚直播語出驚人,嚇窒獲邀加入傾偈的Bob。

已為人母的吳若希(Jinny)一向言行大膽,前晚她於社交網開Live宣傳新歌《這位蠢才》時,又再語出驚人!事緣直播時,其丈夫何兆鴻(Alex)一直在身後打機,即使Jinny喊肚餓、揶揄老公髮線向後移、自己地位比遊戲機低,Alex都不為所動,Jinny惟有邀請好友林盛斌(Bob)、張寶兒加入直播。其間,Jinny忽然當眾大爆Alex私事,令對方勁尷尬,她說:「佢係一個唔打X機嘅人,因為佢話好嘥時間,其實可能係講緊5至10分鐘,對比起打機2、3個鐘,佢話打機唔嘥時間,唔係好明佢對時間投入嘅觀念,係我有問題定點?」Bob聞言即嚇窒,並衝口問對方:「你癲咗呀?定飲醉咗呀?叫我點答你?每個人都唔同嘅,咪畀佢打陣機開心吓囉!」

直播期間,Alex一直在吳若希身後專心打機。
直播期間,Alex一直在吳若希身後專心打機。
其後,吳若希忽然大爆老公Alex唔打X機,好友Bob聞言即嚇窒!
其後,吳若希忽然大爆老公Alex唔打X機,好友Bob聞言即嚇窒!

對於Jinny忽然發表「偉論」,不少網民都留言大嗌「18禁」,有人更表示「未夠秤」並制止她繼續講!隨後,Jinny即補飛說:「呢個係好正常一個男仔會做嘅嘢,唔好神化咗佢,因為我發現華人社會比較少開口講呢樣嘢,但喺小朋友慢慢成長嘅過程裏面,我覺得呢啲係必須有嘅性教育,哈哈哈!」事後Bob回覆傳媒時,指Jinny只是搞吓笑,但坦言對方言論太爆,自己也霎時反應唔切。

有網民自稱「未夠秤」,但吳若希繼續講,仲話係必須嘅性教育。
有網民自稱「未夠秤」,但吳若希繼續講,仲話係必須嘅性教育。
最終Alex都暫停打機,為吳若希煮嘢食。
最終Alex都暫停打機,為吳若希煮嘢食。

其他文章
hd