首頁 即時娛樂

【被爆背妻偷食】不滿遭追訪報警 戴志偉冇戴口罩爆粗鬧記者

05/04/2020 14:04:00
戴志偉報警後繼續鬧,待警車到來登記資料後就駕車離開。
戴志偉報警後繼續鬧,待警車到來登記資料後就駕車離開。

戴志偉昨日被爆背妻偷食,一直未有就事件回應,他今早11時30分駕車離開寓所,沒有戴上口罩,他駛到迴旋處發現記者,就駛到旁邊屋苑的避車處,一下車就爆粗鬧記者並表示會報警,又問記者為甚麼跟著他?之後上車拿電話反拍記者。
當記者問他可否接受訪問時,戴志偉即一輪嘴再鬧:「我唔傾呀!你哋咩人嚟㗎,搞我,騷擾我,攞個記者證畀我睇,我告你哋滋擾我呀!你哋咩記者,畀個證我,如果你哋假冒記者就報警拉你哋!做咩緘默唔講嘢?我即刻打999!」期間用電話拍下記者車的車牌和樣子,又截住記者車不讓離開,「你哋影響我的生活,我有咩事有咩問題?你哋成班敗類,我得罪你哋乜嘢,你哋唔喺人!」
戴志偉又向圍觀途人表示,「呢啲就係香港傳媒X周刊,你哋騷擾我家人,去到邊都跟住,你哋記住千萬不用睇X周刊,我依家報警,你哋唔好走,佛都有火!你哋拍片就要全部播出,我喺戴志偉!你哋侵犯我私人的私隱,你哋全部不敢以真面目示人,我無戴口罩,光明正大!你睇你哋對眼,會內疚,打個幾千蚊工,如果傳媒跟蹤你家人得唔得?你哋班垃圾,唔喺人!」期後警車來到,警察登記個人資料後放行,戴志偉就駕車離開,事件擾攘約20分鐘。

其他文章
hd