首頁 即時娛樂

【偷食人夫】《東張》爆喊認唔專業兼後悔 朱智賢: 我抽離唔到個角色

29/04/2020 20:25:00
朱智賢和謝東閔接受TVB節目《東張西望》獨家訪問。
朱智賢和謝東閔接受TVB節目《東張西望》獨家訪問。

朱智賢(Ashley)近日驚爆背男友謝東閔(Brian),與人夫黎振燁於後山食蛋糕斷正,有傳後者更為Ashley拋棄大肚妻!潛水兩日後,Ashley和謝東閔今午終於現身電視城開道歉記招。事後,兩人再接受TVB節目《東張西望》獨家訪問,訪問中,Ashley數度落淚表示後悔「偷食」,她聲淚俱下說:「我承認係因為拍劇而導致而家咁樣嘅,覺得自己經驗唔夠,演戲經驗唔多,所以唔夠專業,搞成今時今日咁,我覺得自己抽離唔到個角色。多謝Brian呢段時間陪住我,因為我知道佢比我承受更多、比我更難受更痛苦。(會否覺得令家人擔心?)我最想同家人講對唔住,因為我好唔想自己嘅事情影響到家人,我記得我即時Send咗短訊畀爹哋,我好驚影響到佢,我唔想家人畀人講閒話,我唔想一個人嘅事影響身邊嘅人,同埋我好想同劇入面嘅演員、監製講對唔住,因為我嘅唔專業連累到大家,我以後會做番好啲,希望大家畀機會我。(忟憎犯呢個錯?)我真係好後悔,好內疚,我都接受唔到自己犯呢個錯。」而坐在旁邊的Brian全程低頭,他表示會盡量於工作以外的時間多陪Ashley,認為外間給予她的壓力,一定讓她呢段日子不易過,故自己會陪對方走過這段路。

朱智賢講到爆喊。
朱智賢講到爆喊。
謝東閔表示會陪伴對方。
謝東閔表示會陪伴對方。

其他文章
hd