首頁 即時娛樂

前世情人黐實爸爸 呷醋符曉薇向陳柏宇「開拖」

25/05/2020 10:30:00
老婆擺明呷女醋,Jason唯有出招冧返老婆。
老婆擺明呷女醋,Jason唯有出招冧返老婆。

「曬B狂魔」陳柏宇(Jason)經常拍片分享妻女生活點滴,昨天趁出街前又開live,片中老婆符曉薇嬲嬲豬話not happy、好hurt!原來係玩呷醋。Jason趁老婆行開咗,就細細聲爆料話因為歲半大嘅「前世情人」陳羿辰成日叫住及跟住爸爸,搞到老婆冇晒癮。

 

接近半小時短片中,陳羿辰的確黐到Jason實。跟住爸爸入洗手間刷牙、去衣帽間等,仲坐埋爸爸大髀陪爸爸搽cream、甚至換衫都要爸爸哄…符曉薇多次叫BB過來都被拒,她無奈說:「好灰呀,放棄,以前羿辰喊住要我抱,𠵱家未瞓醒就叫住爸爸,做乜都要爸爸抱…」當化緊妝嘅符曉薇聽到房外Jason叫羿辰big hug爸爸,她帶點忟憎,大大聲說:「唔好再搞呢啲嘢!話你聽,你要同佢冷淡啲呀!」又指控Jason成做好人角色,Jason反駁話唔係:「唔係喎!尋晚食飯我鬧到佢癲喎!」符曉薇即說:「你食...啦!呢啲唔係鬧,仲喺張床同佢玩,佢個樣幾輕佻浮躁呀!」

 

符曉薇再有感而發說:「你哋叫我追多個囝,萬一唔小心又係生個女,佢哋三個黐埋一齊,得返我自己一個咁我咪好灰?𠵱家我女又冇,又冇地位,動力資源只係買嘢,唔買嘢做乜?」

 

她又再爆料:「我老公話要隊冧我,因為我係屋企最大使一個,佢話請多兩個姐姐仲平過我!」Jason見老婆火火地則加以安慰:「其實我只係用經濟角度出發,以人情同愛嘅角度,梗係唔會咁啦!阿囡唔係唔要你,佢瞓覺時需要你!」

兩父女好開心呀!
兩父女好開心呀!
阿女黐住爸爸,符曉薇感到好灰。
阿女黐住爸爸,符曉薇感到好灰。

老婆唔畀陳柏宇同囡囡擁抱,唯有抱返佢入房。
老婆唔畀陳柏宇同囡囡擁抱,唯有抱返佢入房。
冧妻成功,老婆笑返喇!
冧妻成功,老婆笑返喇!

家中鬆獅犬好乖。
家中鬆獅犬好乖。
家中的老虎狗最愛睡覺。
家中的老虎狗最愛睡覺。
符曉薇話羿辰未瞓醒就叫爸爸。
符曉薇話羿辰未瞓醒就叫爸爸。
連換衫都要爸爸哄。
連換衫都要爸爸哄。
其他文章
hd