首頁 即時娛樂

唔覺被何猷亨追求 馮盈盈:識朋友唔會睇錢

27/05/2020 19:09:00
江嘉敏安排馮盈盈去船P識吓朋友,搞到盈盈有「釣金龜」傳聞,真無辜。
江嘉敏安排馮盈盈去船P識吓朋友,搞到盈盈有「釣金龜」傳聞,真無辜。

馮盈盈去年年尾宣佈同醫生男友Martin結束四年情,好快就傳她火速撻著「大隻主播」鄭衍鋒(Leonard),不惜貼靚車任Leonard揸返香閨,豈料緋聞一波未平一波又起,日前馮盈盈再被影密會賭王之子何猷亨,即陳瀅前度,前後腳登上億元豪華遊艇開P,報道指兩人眉來眼去似在熱戀中。馮盈盈今日現身將軍澳電視城開工時,首度開腔回應「釣金龜」傳聞,再重申否認拍拖。

望猷亨節哀
她強調道說:「其實大家啱啱識,只係普通朋友,我連佢電話都冇呀,更加感覺唔到到對方有追求之意。」被指拜金,盈盈強調不會太在乎外界眼光,但結交識朋友又不會睇錢,最重要是心地善良,大家是否有話題。她坦言自己都被緋聞嚇親,擔心會對工作帶來影響,她說:「搞到我都唔可以專心做功課,最近我參加咗旦哥(鄭丹瑞)嘅演藝班,旦哥都有讚我有進步,話畀我演出感動到,佢鼓勵我好多。」提到何猷亨丁父憂,問她可有慰問何猷亨?馮盈盈相信何猷亨都會難過,希望他可以節哀順變。

馮盈盈唔覺被何猷亨追求。
馮盈盈唔覺被何猷亨追求。
何猷亨係陳瀅前度男友,又同劉佩玥傳過緋聞,好受女性歡迎。
何猷亨係陳瀅前度男友,又同劉佩玥傳過緋聞,好受女性歡迎。

甩拖後馮盈盈成日派福利。
甩拖後馮盈盈成日派福利。
因為船P,傳盈盈不滿江嘉敏否認係中間人,搞到好姊妹反目。
因為船P,傳盈盈不滿江嘉敏否認係中間人,搞到好姊妹反目。

其他文章
hd