首頁 即時娛樂

【頭條獨家】 未憑《叔•叔》提名金像獎冇失望 袁富華喊住讚電影有好成績

27/05/2020 23:00:00
袁富華喊住讚好《叔•叔》以偏鋒題材,獲得多個獎項佳績。
袁富華喊住讚好《叔•叔》以偏鋒題材,獲得多個獎項佳績。

袁富華(Ben)最近在電影《叔•叔》飾演老年同性戀者「阿海」,他看了劇本即被故事感動而接拍,相比於《翠絲》的性小眾「打令哥」,他覺得今次「阿海」擁有完整家庭要演得更內歛,幸好遇到好對手太保。Ben哥又感性地喊住慶幸電影雖屬偏鋒題材,但仍獲各大電影頒獎禮多個獎項,能夠被肯定令他好感動,就算自己在金像獎未獲提供亦不會失望。撰文:杜淑霞 攝影:李維隆 髮型化妝:Gaelle Au 服裝:Club Monaco 場地:Hong Kong Arts Centre

Ben哥對於未能憑電影奪得獎項,甚至金獎像亦未能提名,他完全沒有失望。
Ben哥對於未能憑電影奪得獎項,甚至金獎像亦未能提名,他完全沒有失望。
Ben哥講到電影的成績,不禁一時感動眼濕濕。
Ben哥講到電影的成績,不禁一時感動眼濕濕。



該片導演楊曜愷本報專訪時曾大讚兩位主角相當專業,答應拍情慾戲到埋位都唔扭擰。Ben哥反而認為是導演功勞,「佢好早同我哋溝通咗,令我哋好放心,佢講明唔係用呢啲情慾戲做賣點,但係呢個係必須,又話會拍得好靚,唔會要我哋露任何嘢,佢拍晒心口畀呢個保證你,同埋我見到佢唔係口頭上保證,係見到佢嘅要求係『阿柏』同『阿海』係一個靈性上交流多過肉體上交流。」

戲中Ben哥演的「阿海」比他實際年紀大一截,但他依然能夠說服導演和觀眾。
戲中Ben哥演的「阿海」比他實際年紀大一截,但他依然能夠說服導演和觀眾。
Ben哥形容太保是個「無得頂」的對手,兩人對手戲中他最難忘這場溫馨煮飯仔戲。
Ben哥形容太保是個「無得頂」的對手,兩人對手戲中他最難忘這場溫馨煮飯仔戲。



電影獲香港四大頒獎禮共7個獎項,成績驕人,身為一份子的Ben哥雖然未有個人獎項,金像獎更未獲提名,但他完全冇介意,講起更感動到眼濕濕,「部戲係資金咁少嘅獨立電影,同埋個題材咁偏鋒,仲要中咗兩大元素就係同志同埋年長人士,呢兩樣投資者都唔肯投資嘅時候,竟然行到今時今日呢一步,依家講都有啲感動(眼濕濕),拍嘅時候冇諗過,完全冇諗過,唯有係做囉,相反獎項嗰啲係其他囉,嗰啲完全係個人嘅獎項。」



能夠令Ben哥看得開,最重要是他一直只求做個演活角色的好演員,「好多人話戥我唔抵,好多圈內人都識袁富華係邊個,衰在啲觀眾淨係記得啲角色,唔知道呢個人嘅樣,叫咩名,但作為觀眾去睇一個演員,係應該見到一個角色而唔係見一個明星,但係作為一個演員會好矛盾,啲人唔會知我叫咩名,不過我哋最終要做嘅嘢就係呢樣嘢,係忘記唔要咗個自我,係見到個角色喺銀幕上出現,所以點解我咁鍾意Tom Hanks(湯漢斯)。」

電影入圍「柏林影展電影大觀單元」,Ben哥跟導演楊曜愷、太保和區嘉雯親自出席影展。
電影入圍「柏林影展電影大觀單元」,Ben哥跟導演楊曜愷、太保和區嘉雯親自出席影展。
Ben哥憑電影《翠絲》先後奪得台灣金馬獎和香港電影金像獎「最佳男配角獎」。
Ben哥憑電影《翠絲》先後奪得台灣金馬獎和香港電影金像獎「最佳男配角獎」。
其他文章
hd