首頁 即時娛樂

【頭條獨家】夫妻各自玩 派囝囝𥄫實 周汶錡約友飲酒唔預老公

31/05/2020 21:30:00
Kathy撇甩老公同男友人去飲嘢,仲特登留低囝囝喺老公身邊,未知是否擔心對方又惹狂蜂浪蝶呢?
Kathy撇甩老公同男友人去飲嘢,仲特登留低囝囝喺老公身邊,未知是否擔心對方又惹狂蜂浪蝶呢?

剛度過46歲生日的周汶錡(Kathy)與法籍老公Julien Lepeu結婚8年,一家四口幸福美滿,未料今年3月Julien被爆出軌!沉寂10日後,最終Kathy於社交網撰文原諒老公,可是修補關係都需要時間,連月來也甚少看到他們同框,至踏入Kathy生日月,從蔡一智貼出的合照中才見二人合體。日前,兩公婆帶咗細仔一齊落淺水灣蒲點,不過到埗後,Kathy卻撇甩老公同男友人去酒吧飲嘢,Julien只能食自己,可能擔心老公又惹狂蜂浪蝶,Kathy特登留低囝囝喺佢身邊,最後Julien約了一個Buddy來飲酒解悶,有計喎。採訪:張詠森

心情唔錯的Kathy講嘢多過飲嘢。
心情唔錯的Kathy講嘢多過飲嘢。
Kathy仲忽然鼓起泡腮扮Cute。
Kathy仲忽然鼓起泡腮扮Cute。

周汶錡於2012年下嫁法籍老公Julien Lepeu,婚後不時於社交網上載一家四口照晒溫馨,未料夫婦倆看似甜蜜恩愛,兩個多月前Julien卻背妻攬啜外籍女斷正!事發後,雖然Kathy貼文表示:「這是一個人生重要的功課,我倆仍然相信『愛』能改善彼此關係,日後我們仍然會努力,為孩子、為家庭、為對方,互相珍惜,一起進步!」暗示原諒老公,但之後已甚少貼出老公的照片,就算「520(我愛你)」46歲生日,Kathy也只分享了跟大仔Jacques和細仔Avner的三母子合照,老公冇份。

開籠雀
然而偷食事件後,Julien仍不時被拍得獨自外出「放風」,不過他都好乖地守行為,每次速去速回返歸交人,亦未見再孔雀開屏。8年婚姻遇上危機,夫妻關係始終都要時間修補,近期頻頻約Friend飯聚的Kathy日前同老公一齊出門,但二人卻分開「玩」各自各開心。當日下午4點幾,她約了3名男友人到淺水灣寓所附近的酒吧Happy Hour,其中包括王賢誌(Vinci),眾人摸住酒杯底傾吓偈,其間Kathy一輪嘴不停講,仲講到手舞足蹈,間中露出笑容又鼓起泡腮扮Cute,心情不錯。

好友王賢誌也有現身酒吧跟Kathy見面。
好友王賢誌也有現身酒吧跟Kathy見面。
Kathy撇甩友人先行快步離開,獨自前往另一間酒吧搵囝囝。
Kathy撇甩友人先行快步離開,獨自前往另一間酒吧搵囝囝。

安心走
嘆完1個多鐘白酒後,Vinci就走去埋單,Kathy則戴上口罩快步先行離開,原來她是去隔幾個舖位的酒吧湊仔,而Julien就坐在店內跟一名外籍男士Chill緊。本來以為一家三口集合回家,未料兩母子與3名酒腳同Julien Say Goodbye,可能現場清一色男士,見冇女埋老公身,Kathy都好安心地帶埋囝囝到附近超市買嘢飲,之後二人直接上車返屋企,老公就「蒲」到晚上7時才離去。

跟友人聚會後,Kathy去到附近另一間酒吧湊囝囝。
跟友人聚會後,Kathy去到附近另一間酒吧湊囝囝。
老公Julien(右)約咗一名外籍友人陪佢飲酒吹水。
老公Julien(右)約咗一名外籍友人陪佢飲酒吹水。
最後Kathy帶囝囝去超市買完嘢飲便回家。
最後Kathy帶囝囝去超市買完嘢飲便回家。
上月20日生日的Kathy於社交網僅貼出三母子啜面照。
上月20日生日的Kathy於社交網僅貼出三母子啜面照。
蔡一智於社交網分享跟Kathy慶生的照片,相中Julien挨到實冧老婆。
蔡一智於社交網分享跟Kathy慶生的照片,相中Julien挨到實冧老婆。
偷情事件曝光後,Kathy就甚少於社交網貼出夫婦合照……
偷情事件曝光後,Kathy就甚少於社交網貼出夫婦合照……
……不過她於上月22日留言,表示會努力改善夫妻關係。
……不過她於上月22日留言,表示會努力改善夫妻關係。
其他文章
hd