首頁 即時娛樂

【頭條獨家】跟導演齊讚溫碧霞親切 陳漢娜演咀嘴戲配音最尷尬

03/06/2020 19:27:00
陳漢娜覺得拍咀嘴戲,最尷尬反而是配音。
陳漢娜覺得拍咀嘴戲,最尷尬反而是配音。

陳漢娜(Hanna)跟導演李卓斌最近在電影《墮落花》第二度合作,兩人都覺得繼《G殺》後,令這次合作更有默契。兩人對於跟溫碧霞首度合作都讚不絕口,認為對方不單全無架子,而且好易溝通,而跟對方有咀嘴戲的Hanna就自爆拍攝時本來完全冇尷尬,反而是配音時再扮錫錫聲變得更加尷尬。撰文:杜淑霞 攝影:李維隆 場地:英皇戲院(尖沙咀iSQUARE)

Hanna大讚溫碧霞是個無架子,非常容易相處的前輩。
Hanna大讚溫碧霞是個無架子,非常容易相處的前輩。
Hanna跟導演李卓斌再合作,兩人都認為更有默契。
Hanna跟導演李卓斌再合作,兩人都認為更有默契。




導演李卓斌及Hanna都是首次跟溫碧霞合作,李卓斌這次更為溫碧霞度身訂造劇本,雖然溫碧霞對突破角色很易接受,不過造型上仍要花時間跟她溝通,譬如要全戲穿黑色衫,「呢方面落咗好多苦功,同佢溝通咗好耐,佢過往有好多固定嘅想法,要打碎佢呢啲諗法。不過,拍咗第一日佢對我哋已經有信心。」

Hanna今次角色「傅餘雪」背景相當神秘,她覺得創作空間可以更大。
Hanna今次角色「傅餘雪」背景相當神秘,她覺得創作空間可以更大。
跟溫碧霞的床上戲,Hanna拍攝時完全唔覺尷尬。
跟溫碧霞的床上戲,Hanna拍攝時完全唔覺尷尬。



講到溫碧霞,Hanna亦好開心遇到這樣好的前輩,「喺《墮落花》入面都係同佢最多對手戲,好彩,佢個人本身好溫柔,好take
care我,譬如開頭大家未認識去圍讀劇本,佢會好主動問吓我嘢,我係個唔係好主動嘅人,反而佢係個幾主動同人傾偈嘅人,所以呢點好好,令到我冇咁緊張,去到現場佢又會同我講吓唔同嘢,佢又好溫柔,變咗對戲嘅時候唔需要諗太多嘢,大家好放咁去做。」故此拍Hanna跟溫碧霞的親熱戲,她完全冇覺得尷尬,直到去到配音時,「其實同女仔拍呢啲戲點都舒服啲,冇咁就住,我哋唔係溝通咗好多次就埋位,大家冇乜所謂,唔會覺得唔舒服。其實呢啲場面睇番先尷尬,因為你拍時自己睇唔到,到我去配音嘅時候,嘩!哈哈!好尷尬,仲要扮番啲錫嘅聲就最尷尬。」

電影開鏡時,Hanna(後左二)已為角色專登染了一頭粉紅色頭髮。
電影開鏡時,Hanna(後左二)已為角色專登染了一頭粉紅色頭髮。
Hanna跟導演李卓斌在電影《G殺》首度合作。
Hanna跟導演李卓斌在電影《G殺》首度合作。
其他文章
hd