首頁 即時娛樂

黃依汶拿手水煮牛肉 爆陳國坤陳真父子日日食唔厭

04/06/2020 13:59:00
黃依汶這水煮牛肉夠晒火辣,陳真年紀輕輕已食得這麼辣,厲害。
黃依汶這水煮牛肉夠晒火辣,陳真年紀輕輕已食得這麼辣,厲害。

黃依汶作客香港開電視《娛樂頭條》節目「明星教室」環節,化身「廚房達人」教主播植詠珊炮製拿手川菜「水煮牛肉」,鑑於現場收音關係未有開啟抽氣扇,二人被辣味嗆得眼淚直流兼打噴嚏。依汶笑道:「弄這道菜,我的秘技是帶口罩!」

依汶並自豪說:「以前媽咪成日話擔心我,佢話我又唔識煮、又唔識家務,第日生咗小朋友,都唔知點照顧佢哋!依家我可以同返媽咪講:都話唔使擔心㗎啦!」依汶對廚藝的精通,部份原因是受老公陳國坤影響,她讚賞有加說:「好似切嘢咁,點拎刀、點樣切,都係佢教我!」

因拍攝收音沒開抽氣扇,黃依汶跟主持被辣味嗆得眼淚直流兼打噴嚏。
因拍攝收音沒開抽氣扇,黃依汶跟主持被辣味嗆得眼淚直流兼打噴嚏。
終於大功告成。
終於大功告成。


依汶同陳國坤婚後育有一子「陳真」,三人生活樂也融融,依汶偶會下廚煮兩味逗兩父子開心。至於她拿手的「水煮牛肉」,依汶笑道:「我學識煮呢味餸後,頭2個月佢哋幾乎日日叫我煮!」證明依汶廚藝確是了得。

其他文章
hd