首頁 即時娛樂

疫情下日對夜對有啲悶   吳若希宣布再成功造人

11/06/2020 11:00:00
吳若希宣布再做媽咪,老公公開Jinny陀男B。
吳若希宣布再做媽咪,老公公開Jinny陀男B。

喺疫情期間有乜好做?28歲嘅吳若希(Jinny)同澳門闊少老公何兆鴻(Alex)就成功造人喇!上月突傳Jinny有咗第二胎,並有咗三個月,但當事人一直未有正面回應,直至昨日終於發圖文,上載「一家,四口。」合照,正式認佗B。Alex亦有發文指太太懷有男嬰,留言:「我問Giselle想要妹妹定弟弟?她說:妹妹!我問她如果弟弟怎麼辦?她說:我餵奶奶比弟弟。好吧!那爸爸就給你一個弟弟,因為我怕妹妹你唔餵佢飲奶奶爸爸我會很忙。老婆~又要辛苦你了,I Love you❤️!Jinny」

相中見初孕Jinny穿上白色鬆身裙,肚皮微隆,Giselle靠向媽咪,一手摸住媽咪肚皮與BB打招呼,老公Alex則心心眼在身後注視太太,一家人相當溫馨。

由於兩公婆時不時耍花槍,Jinny更公言開火力數老公Alex的不是,連玄學家陳定幫都叮囑兩人注意「夫妻宮」,擔心鼠年可能鬧婚變。好彩床頭打交床尾和,或者添個細仔有助增加夫妻間生活情趣。吳若希和老公同步公布喜訊,立即得到不少圈中人恭賀,何雁詩舉手做奶媽;胡鴻鈞拍心口話幫手教禮儀,有網友留言笑指Alex喜歡打機外還會做其他事,Jinny即神回:「疫症期間日對夜對,都真係有啲悶嘅。」有付出就有收穫,咁大家明晒啦。

吳若希上載全家福宣布再做媽咪喜訊。
吳若希上載全家福宣布再做媽咪喜訊。
Jinny兩公婆時不時耍花槍。
Jinny兩公婆時不時耍花槍。

3歲可愛Giselle(淼淼)就快升做姐姐啦。
3歲可愛Giselle(淼淼)就快升做姐姐啦。
之前Jinny公布新家庭成員,係一隻雄性小貓。
之前Jinny公布新家庭成員,係一隻雄性小貓。

吳若希早前被傳懷孕,但她全身相刻意遮肚。
吳若希早前被傳懷孕,但她全身相刻意遮肚。
玄學家陳定幫係吳若希、陳煒及阿Bob明燈。
玄學家陳定幫係吳若希、陳煒及阿Bob明燈。
其他文章
hd