首頁 即時娛樂

【頭條獨家】大讚曾樂彤第一次填詞好掂 洪嘉豪戴口罩戴到冇晒心機

11/06/2020 18:00:00
戴住口罩接受森美、小儀電台的節目訪問,嘉豪話日日戴住口罩令人好冇心機。
戴住口罩接受森美、小儀電台的節目訪問,嘉豪話日日戴住口罩令人好冇心機。

華納歌手洪嘉豪(Kaho)最近推出的新歌《自問自答》由曾樂彤處女填詞,主題講每個人於唔同階段,面對愛情、人生及性格上嘅內心掙扎,他大讚曾樂彤做到嘢,歌詞完全表達到他想講嘅意思,好掂!採訪:方騫平

他大讚曾樂彤做到嘢,所填歌詞完全表達到他想講嘅意思。
他大讚曾樂彤做到嘢,所填歌詞完全表達到他想講嘅意思。
日前嘉豪獲師姐薛凱琪扮長頸鹿協助宣傳新歌。
日前嘉豪獲師姐薛凱琪扮長頸鹿協助宣傳新歌。

洪嘉豪跟曾樂彤屬同期出道嘅新人,Kaho透露「大家傾偈時,佢對歌詞有研究,對文字又好敏感,會同我分享佢填嘅歌詞,所以靈機一觸,邀請佢幫我demo寫吓詞,當係一齊練習,其實佢寫咗幾首,呢首係其中一首,覺得好啱就促成咗今次嘅合作。」

洪嘉豪新歌《自問自答》的MV。
洪嘉豪新歌《自問自答》的MV。
嘉豪冇過問曾樂彤跟游學修係咪情變,他認為對方唔提總有原因。
嘉豪冇過問曾樂彤跟游學修係咪情變,他認為對方唔提總有原因。

好想快啲除罩
新歌《自問自答》構思來自洪嘉豪的某一夜情感,當晚佢有啲唔開心,寫歌畫面係一個人瑟縮角落,思想上同自己搏鬥:「曾樂彤就將我呢個畫面用嚟發揮,雖然交嚟嘅歌詞都有少少修改,但都好OK,我同佢都老友,佢唔會嫌我煩,反而對第一份填詞作品好緊張,仲緊過自己出歌,因為佢想喺呢方面發展,我要安慰佢放鬆啲!」問到對方將第一次填詞交畀佢,佢笑言只係寫詞啫,「咁啱我搶先一步出歌,多謝晒呢個朋友。」不過,他卻沒有八卦曾樂彤跟游學修嘅感情事,他笑說:「就算佢單身,我都唔會追求佢,因為兩人如同兄弟相處。」

雖然疫情緩和,但呢個時候出歌多少有些影響:「希望疫情快啲完結,疫情下最困擾反而係戴口罩,因為日日戴住令人好冇心機,成個城市死氣沉沉,希望大家除低口罩可以笑面迎人,尤其天氣愈嚟愈熱,好辛苦。」

問洪嘉豪有咩後悔事?他笑說最後悔25歲先入行。
問洪嘉豪有咩後悔事?他笑說最後悔25歲先入行。
洪嘉豪有班粉絲力撐。
洪嘉豪有班粉絲力撐。
其他文章
hd