首頁 即時娛樂

【頭條獨家】56歲裝扮似26歲 呂珊潮嬸Look名店試袋

16/06/2020 08:30:00
呂珊應該係名店嘅熟客, 一入店同店員講兩句就有袋試。
呂珊應該係名店嘅熟客, 一入店同店員講兩句就有袋試。

童星出身嘅呂珊,唔經唔覺已入行五十周年。可能00後未必識佢,介紹返,呂珊九歲就開始唱歌搵食,唱過酒廊同荔園,亦試過出埠登台,其實佢係另一個梅艷芳,有時命運嘅嘢真係好難講。計吓數,呂珊已經56歲,雖然年過半百,但從佢身上完全發現唔到半點中年人味道,好Fit,着衫又潮,外國人最多估佢3字頭。採訪:梁志明

呂珊一入名店就睇中呢個側孭袋。
呂珊一入名店就睇中呢個側孭袋。
除咗側孭袋,呂珊對呢個手挽亦愛不惜手。
除咗側孭袋,呂珊對呢個手挽亦愛不惜手。

之前有傳暴瘦嘅呂珊患上厭食症,不過佢接受電台訪問時就澄清,因為幾年前經常開演唱會,為保最佳狀態不斷減肥而過度節食,減出癮先畀人誤會。不過呢,上咗年紀,太瘦會顯得個人好老,好彩佢又唔算咋。

試袋心大心細
當日下晝5點,着住件名牌羽絨,戴住頂Vans Cap帽嘅呂珊去咗鑼灣利園行名店,見佢一支箭入咗LV,一入去就睇袋,先睇中一個側孭袋,即孭上身就照鏡,然後再睇中一個手挽嘅,試挽完又好欣賞咁摸住個袋,應該心大心細中,然後見佢坐低等,應該係等Sales拎新袋畀佢,最後究竟買咗邊款?唔知呀,因為盡責嘅店員通知呂珊門外有記者,然後呂珊極速消失喺記者眼前,bye bye。

試完等Sales攞新貨。
試完等Sales攞新貨。
平時去街,呂珊衣着非常青春。
平時去街,呂珊衣着非常青春。

呂珊第一張唱片於1980年推出,此為CD復刻版。
呂珊第一張唱片於1980年推出,此為CD復刻版。
其他文章
hd