首頁 即時娛樂

【頭條獨家】直擊曼谷全新outlet開幕 胡慧冲:泰國已由空虛變返熱鬧

20/06/2020 11:30:00
胡慧冲直擊曼谷全新outlet開幕情況。
胡慧冲直擊曼谷全新outlet開幕情況。

居泰港人胡慧冲(Roger) 自發每天喺自家YouTube頻道推出「再等30」系列節目,update曼谷市面狀況。他表示,今次《再等30》挑戰個人紀錄,連續100日喺個人頻道放外景片,絕對唔係hea拍㗎!


有見最近新冠肺炎疫情緩和,泰國現已解除宵禁令,但昨日仍然喺緊急狀態令第86天,Roger話𠵱家泰國市面經已冇乜問題啦!大概所有嘢都回復正常,商場、戲院、打保齡、食嘢、夜市、翟道翟差唔多全面開放返,昨日出售高級嘅siam premium outlets Bangkok宣告開幕。

 

Roger一早就去現場直擊報道,片中唔少人喺時裝品牌名店外大排長龍,情況相當熱鬧:「好多人話泰國𠵱家死晒咁,其實並非如此,今日曼谷有個出售高級時裝嘅outlet開幕,其中名流貴族品牌Balenciaga、英國品牌Burberry首次進駐當地outlet,除此之外入面仲有其他普羅大眾都能負擔嘅運動品牌、日本時裝品牌、銀器等,所以吸引咗好多本地人撲住排隊去買,對泰國人嚟講,可能太耐冇出外,個個都想試新嘢,就算喺市中心要坐個幾鐘頭車程,幾遠佢哋都專程去消費,搞到個場旺到不得了,連負責人見到有咁好反應都好驚訝。事實上亦真係平,唔少鋪頭都有大折扣,好似美國品牌Coach有七折;Burberry麻質西裝由40000泰銖(9999港元)減到14000泰銖(3499港元);女裝草鞋由14000泰銖減至4000泰銖(999港元) ,唔使1000蚊,而且明碼實價,列明減價前後價錢,大家可以一目了然,連我都忍唔住血拼,西裝窄少少都照買。」

 

掃完一輪貨,Roger還光顧天台酒吧坐低抖抖,他開心說:「𠵱家去夜店飲酒,出夜街都冇問題,好開心見到泰國由空虛變回原貎,期待下一步「有限度解封」畀外地旅客。

宵禁令下當日曼谷打卡位都變得好冷清。
宵禁令下當日曼谷打卡位都變得好冷清。
呢個日本品牌外套喺全新outlet好抵買。
呢個日本品牌外套喺全新outlet好抵買。

呢件係Roger買咗嘅西裝,大概原價嘅4折出售。
呢件係Roger買咗嘅西裝,大概原價嘅4折出售。
Roger好物推介,呢對草鞋唔使1000蚊港幣,又真係幾抵。
Roger好物推介,呢對草鞋唔使1000蚊港幣,又真係幾抵。

就算冇旅客,本地客都嚟撐場,名店門外大排長龍。
就算冇旅客,本地客都嚟撐場,名店門外大排長龍。
Roger還光顧天台酒吧坐低抖抖,欣賞日落美景。
Roger還光顧天台酒吧坐低抖抖,欣賞日落美景。
Outlet內間間店鋪都有超級折扣。
Outlet內間間店鋪都有超級折扣。
其他文章
hd