首頁 即時娛樂

【獲TVB星夢放生】爆獲斟轉簽1年6騷年袋萬二 林師傑:如何接受呢份恩賜?

24/06/2020 17:40:00
師傑早前傳受太太歐陽巧瑩的政見所累遭無綫冷待,今日他於IG宣佈回復自由身。
師傑早前傳受太太歐陽巧瑩的政見所累遭無綫冷待,今日他於IG宣佈回復自由身。

從TVB節目《超級巨聲》出身、人稱「木偶哥」的林師傑,早前傳受太太歐陽巧瑩的政見所累遭無線冷待,令他的工作量銳減,故已跟TVB提早解約。對此,一直未有親身回應的師傑,今日終於在IG正式宣佈回復自由身,他寫道:「多謝大家關心,今日終於正式結束同TVB+星夢嘅賓主關係!呢十一年黎(嚟)聽得咁多嘅一句說話:『你幾時出歌呀?』呢句每次聽到個心都那(乸)住那(乸)住痛,其實唔係唔想出,係冇得出,自己寫埋寫埋至少十幾廿首喺牀下底,諗點樣蒙面出歌,諗左(咗)五年,做現實中嘅木偶哥。舊公司向我提出轉簽6 show合約,即意思一年保證有萬二蚊收入,雖然連一個月租金都不夠,但確實有如上天恩賜,我萬二分感激!我今年三十二(歲)有家室,請問如何接受呢份恩賜呢?十一年前參加比賽立志做歌手,十一年後重新出發做獨立歌手,會遲嗎?要老婆陪我一齊捱窮,辛苦你了!2020年6月24號,香港獨立歌手 — 林師傑 #alwaysAThome」

師傑表示今日起跟TVB及星夢結束賓主關係。
師傑表示今日起跟TVB及星夢結束賓主關係。
師傑爆舊公司跟他洽談轉簽「1年6騷」,年袋1萬2千蚊。
師傑爆舊公司跟他洽談轉簽「1年6騷」,年袋1萬2千蚊。

聽見轉簽「1年6騷」年袋1萬2千蚊的要求,不少網民都替師傑不值,大家都鼓勵他轉戰ViuTV或社交網,仲讚他:「有風骨的人,加油」、「大把人離開TVB撈得更好」、「有心唔怕遲」、「相信有能力嘅人去到邊都能夠發揮所長」等,又問追他:「係咪即係就嚟有歌聽?」隨後,太太歐陽巧瑩亦於個人IG中寸爆表示:「由我離開TVB至今,無論私下定公開,一句不是都冇講過,因為我真係唔想再同佢有關係,但今日我想講一句,多謝放生我老公,不過請收番起你哋嘅恩賜,我哋會過得好好!」並謂解脫,跟老公一齊去打工!

敢言的歐陽巧瑩於社交網寸爆稱:「請收番起你哋嘅恩賜。」
敢言的歐陽巧瑩於社交網寸爆稱:「請收番起你哋嘅恩賜。」
師傑表示辛苦老婆陪他一齊捱窮,但歐陽巧瑩稱:「一齊去打工吧!」
師傑表示辛苦老婆陪他一齊捱窮,但歐陽巧瑩稱:「一齊去打工吧!」

其他文章
hd