首頁 即時娛樂

【頭條獨家】結婚7年 痴漢Feel甜望老婆食雪糕 直擊陳豪陳茵媺初戀式拍拖

01/07/2020 23:30:00
結婚7年又有三個小朋友的陳豪和Aimee早前Sweet爆到中環拍拖,勁有初戀Feel。
結婚7年又有三個小朋友的陳豪和Aimee早前Sweet爆到中環拍拖,勁有初戀Feel。

49歲的陳豪(阿Mo)啱啱拍完《陀槍師姐2020》,之後又緊接連開兩套劇,出名「愛妻號」嘅佢趁放假當然要陪吓一直盡心盡力為屋企嘅老婆。上周一(22日),難得仔女復課,雙眼冇乜神的阿Mo拖住老婆陳茵媺(Aimee)去中環拍拖,雖然結婚7年又有三個小朋友,但兩人仍似熱戀情侶一樣,Sweet爆拖手又搭膊頭,沿途阿Mo不時喺Aimee耳邊俏俏話○氹對方開心,仲不停如痴漢般甜望老婆食雪糕,完全初戀Feel拍拖,得意又好笑。採訪:張詠森

陳豪搭住Aimee膊頭,不時望住老婆食雪糕,其間女方發現記者捕捉其食相時即瘋狂爆笑。
陳豪搭住Aimee膊頭,不時望住老婆食雪糕,其間女方發現記者捕捉其食相時即瘋狂爆笑。
在商討下一個目的地時,阿Mo全程拖實老婆隻手,又幫手拎手袋。
在商討下一個目的地時,阿Mo全程拖實老婆隻手,又幫手拎手袋。

陳豪近排好忙,上周才拍畢《陀槍師姐2020》,轉頭又要為本周一首播的新劇《殺手》密密做宣傳,接住再開拍邵氏劇集《飛虎3之壯志英雄》,不過就算劇接劇,永遠家庭第一的阿Mo幾攰都會「唧」時間陪老婆仔女,好似剛過去的父親節,他便於開工前同一家人去公園放電,非常溫馨。難得小朋友返晒學,上周一兩公婆就去中環IFC拍拖,享受二人世界!

陪食陪買
當日下午4時許,記者發現戴上口罩、穿便服的陳氏夫婦企喺電梯口吹水,Aimee孭住大袋Gucci戰利品,估計已經同老公Shopping完,而其橙色Hermes手袋就按「慣例」由阿Mo拎住。未知是否意猶未盡唔捨得返歸,兩人討論完一輪後,又手拖手上咗3樓買Frozen Yogurt食,以為一杯雪糕兩份分,原來是Aimee獨食,可能知道老婆鍾意食甜品,所以阿Mo讓對方一個人享受,自己就喺側邊望住Aimee慢慢嗒,看他雙眼笑瞇瞇,濃濃痴漢Feel咁睇住老婆食都咁開心。

結婚7年的阿Mo和Aimee一直是圈中公認的「模範夫妻」。
結婚7年的阿Mo和Aimee一直是圈中公認的「模範夫妻」。
孭住大袋Gucci戰利品的Aimee,最後上樓買埋乳酪雪糕先走。
孭住大袋Gucci戰利品的Aimee,最後上樓買埋乳酪雪糕先走。

調皮茵媺
而暫時卸下「媽媽」身分的Aimee,在老公面前亦顯得特別調皮,當發現記者在場時,她即擰轉面「偷食」並笑謂:「唔畀你影我食雪糕個樣。」記者即識做行開,阿Mo就Sweet爆搭實老婆膊頭,雙雙行去停車場攞車;後來不知是否老公提水?離遠見到鏡頭捕捉她的為食樣時,Aimee就再次戴番口罩,又忍唔住「岳」高頭大笑,誇張得連途人都忍唔住回頭望。兩公婆全程都大方任影,臨走前仲同記者揮手道別,近距離見到阿Mo雙眼現紅筋,問他是否好攰?他說:「呢排開工呀,好長時間,每日瞓得幾個鐘咋。」唔夠瞓都犧牲睡眠時間陪老婆行街,呢啲老公真抵錫!

見Aimee捧住杯雪糕笑晒,阿Mo都好開心。
見Aimee捧住杯雪糕笑晒,阿Mo都好開心。
Aimee脫罩邊行邊低頭密密食,阿Mo就做「盲公竹」搭實老婆。
Aimee脫罩邊行邊低頭密密食,阿Mo就做「盲公竹」搭實老婆。
沿途折返拎車時,兩人遇上樓盤Sales都好Nice停低傾兩句。
沿途折返拎車時,兩人遇上樓盤Sales都好Nice停低傾兩句。
Aimee見到鏡頭即揮手向記者道別,毫無架子。
Aimee見到鏡頭即揮手向記者道別,毫無架子。
阿Mo今年生日獲老婆送「肉嘴」,囡囡就喺中間爭住錫,畫面溫馨又搞笑。
阿Mo今年生日獲老婆送「肉嘴」,囡囡就喺中間爭住錫,畫面溫馨又搞笑。
阿Mo父親節仍要開工,唯有一早同太太和仔女去公園玩,當作簡單的慶祝活動。
阿Mo父親節仍要開工,唯有一早同太太和仔女去公園玩,當作簡單的慶祝活動。
其他文章
hd