首頁 即時娛樂

【堅耍花槍?】貼性感靚相冇讚好仲寸爆 張寶兒似動真火明窒袁偉豪

02/07/2020 09:30:00
估唔到平日咁sweet嘅張寶兒和袁偉豪都有互窒時。
估唔到平日咁sweet嘅張寶兒和袁偉豪都有互窒時。

之前講過袁偉豪開社交平台放攝影大作,親自操刀幫女友張寶兒影性感靚相,呢兩日張寶兒又Po着低胸裝索相,以為呢輯相又係男友袁偉豪傑作,但原來唔係,不過呢對情侶一樣有另一種形式互動。之前一日寶兒先留言:「今天才發現,七月還未到,卻早已進入盛夏的節奏」雖然袁偉豪第一時回應,但唔係讚女友靚之類,反而係寸寸哋咁話:「盛女的階段」寶兒似動真火窒返男友,「豐盛、盛載,多謝你既祝福」唔知係咪唔想再畀男友追擊,之後一日寶兒留言即改用英文,「Live another yesterday in your mind;To make the only tomorrow more beautiful.(在你的腦海裡再活一個昨天;為了使唯一的明天更加美好。)」兩人係耍花槍定係堅互窒,真正原因就要呢對拖友至知啦!

寶兒第二日放嘅相,甜美感覺重啲。
寶兒第二日放嘅相,甜美感覺重啲。
寶兒第一日放嘅相感覺較浪漫清新。
寶兒第一日放嘅相感覺較浪漫清新。

早前袁偉豪生日,寶兒仲送上香吻好甜蜜。
早前袁偉豪生日,寶兒仲送上香吻好甜蜜。
之前袁偉豪幫寶兒影嘅相,真係幾靚㗎!
之前袁偉豪幫寶兒影嘅相,真係幾靚㗎!

其他文章
hd