首頁 即時娛樂

【頭條獨家】拍牀戲愈熟愈唔畀面 陳家樂呻俾湯怡投訴鬚太拮

02/07/2020 23:14:00
陳家樂跟湯怡拍牀戲,因愈熟對方愈唔畀面,竟投訴俾他的鬚拮親。
陳家樂跟湯怡拍牀戲,因愈熟對方愈唔畀面,竟投訴俾他的鬚拮親。

陳家樂和湯怡認識多年,但最近在電影《死因無可疑》才是首次演情侶,戲中更有牀戲,湯怡就話大家熟,演起來沒顧忌,反而家樂呻熟仲慘,因湯怡會投訴俾他的鬚拮親。談到拍攝感受,兩人特別感激導演袁劍偉耐心教導,又大讚前輩黃秋生和林嘉欣夠專業。講到兩人先後做業主,家樂就否認有新戀情而買樓,他們自爆其實全靠公司借錢先成功置業,以後要更努力搵錢。撰文:杜淑霞 攝影:李維隆 髮型:Kendrick Siu(家樂)、Davy YU@AdmiXHairStyling(湯怡) 化妝:Khaki Yan(家樂)、木子維納 Vena(湯怡) 服裝:BOSS(家樂)、Marella(湯怡)場地:尖沙咀iSQUARE英皇戲院

家樂和湯怡坦言太熟之下演情侶,有利亦有弊。
家樂和湯怡坦言太熟之下演情侶,有利亦有弊。
家樂即場扮林嘉欣出名的心形嘴甜笑,搞到湯怡都笑他扮得唔似。
家樂即場扮林嘉欣出名的心形嘴甜笑,搞到湯怡都笑他扮得唔似。





戲中家樂和湯怡有不少親熱戲份,家樂反而覺得太熟會尷尬,「忍唔到笑,佢又嫌三嫌四搞到我唔舒服囉!」湯怡即反駁,「我純粹話你啲鬚好拮之嘛!我又唔係嫌啲乜嘢,我反而覺得太熟會冇尷尬,同埋完全信任佢,所以冇話設計啲咩動作,想點就點囉!」家樂即搞笑,「你早講可以點就點,我同導演講唔係咁拍嘛!」

湯怡就是投訴這場牀戲,家樂冇剃鬚拮親她。
湯怡就是投訴這場牀戲,家樂冇剃鬚拮親她。
家樂好感激導演袁劍偉,花了一年時間去指導他。
家樂好感激導演袁劍偉,花了一年時間去指導他。




談到拍攝該片最大感受,家樂和湯怡異口同聲讚遇着好導演袁劍偉,除了肯花一年時間跟他們分析劇本,還將他們的潛能都迫出來,家樂說:「佢為咗令我哋有突破去搣甩啲嘢,仲好有耐性,唔介意再拍。」湯怡也覺得導演擅於將演員的潛力迫出來,「有場嗌交戲,我都估唔到自己可以咁爆。」家樂在戲中跟影帝和影后級的黃秋生和林嘉欣有不少對手戲,他覺得兩個前輩都好識照顧對手,秋生更加專登同臨時演員吹水,幫手減輕大家壓力。




繼湯怡18年上車做業主,最近家樂跟家人亦斥半億買入何文田千多呎豪宅,他坦言現在要更努力搵錢,問到買樓是否為傳出跟連詩雅的新戀情有關,他即扮晒傻對湯怡話:「你有新戀情咩?(湯:係呀!收埋收埋好低調。)」之後家樂先認真話:「戀情嘅嘢唔交待有冇新啦!層樓多謝公司幫手,坦白講我唔夠錢買嘅,自己雖然儲咗啲錢,但使咗好多,好彩經理人睇到,叫我要買樓儲錢,幫我向公司借咗少少,咁都好嘅有啲壓力係好事,做嘢都會積極啲。」

家樂讚秋生好肯幫手,「我成日行錯位,佢會喺鏡頭睇唔到嘅位幫一幫我,所以佢唔係大家想像中咁嚴肅咁惡,佢係個非常好嘅前輩嚟。」
家樂讚秋生好肯幫手,「我成日行錯位,佢會喺鏡頭睇唔到嘅位幫一幫我,所以佢唔係大家想像中咁嚴肅咁惡,佢係個非常好嘅前輩嚟。」
其他文章
hd