首頁 即時娛樂

【寄情工作】甩拖後有市場   高海寧:我冇唔開心

04/07/2020 10:00:00
同鄧智偉分咗手,失戀高海寧出席仁愛堂就職晚宴,心情大靚。
同鄧智偉分咗手,失戀高海寧出席仁愛堂就職晚宴,心情大靚。

高海寧(高Ling)、蔡思貝、關楚耀、胡楓等昨晚出席仁愛堂就職晚宴,之前高Ling與無線前音樂總監鄧智偉秘戀5年,及後因男方捲入和一位圈外單身媽媽的桃色糾紛,踢爆兩人的地下情去年已告終。寄情工作的高Ling表示,最近忙拍TVB新劇《七公主》,雖然要在炎熱天氣下拍外景一定會辛苦,但角色很有挑戰性,認為十分值得,預計拍到8月中,同時又要忙宣傳《殺手》、《迷網》及《反黑路人甲》,有三套劇緊接出街,希望觀眾不要睇到厭。

 

之後她將會到外地拍旅遊節目,希望能飛得成,寓工作於娛樂,問到是否順便散心,她死撐說:「唔係,我冇唔開心,𠵱家日日都開心,拍劇好有滿足感,有好多挑戰,但我幾時都想去旅行。」問到是否準備好接受新戀情?她認為要睇緣份,冇得勉強,現在最重要工作滿足,希望觀眾看到她的努力。

 

記者追問到她可有追求者時,高海寧即甜笑說:「話冇又話冇市場,話有又會問係邊個,總之𠵱家忙到連瞓覺都冇時間。不過,都想有桃花,因為桃花代表人緣呀!」

她認為緣份冇得勉強。
她認為緣份冇得勉強。
高海寧都望有桃花。
高海寧都望有桃花。

就算回復單身,高海寧有樣有身材唔怕冇市場。
就算回復單身,高海寧有樣有身材唔怕冇市場。
稍後高海寧出外拍第二輯《仨心友行》,寓工作於娛樂。
稍後高海寧出外拍第二輯《仨心友行》,寓工作於娛樂。

高Ling正忙拍TVB新劇《七公主》。
高Ling正忙拍TVB新劇《七公主》。
高Ling落力宣傳TVB新劇《殺手》。
高Ling落力宣傳TVB新劇《殺手》。
其他文章
hd